വയറും ഗര്‍ഭാരോഗ്യവും

Pre Natal

oi-Saritha

By Veena

Updated: Wednesday, August 8, 2012, 14:15 [IST]

ഭ്രൂണത്തിന്റെ ശരിയായ വളര്‍ച്ച ആരോഗ്യകരമായ ഗര്‍ഭത്തിന്റെ ലക്ഷണമാണ്. ഇത്ര ആഴ്ചകളില്‍ ഭ്രൂണം ഇത്ര വളര്‍ന്നിരിക്കണമെന്നു കണക്കുണ്ട്. സ്‌കാനിംഗ് വഴിയും ഗര്‍ഭിണിയുടെ തൂക്കം പരിശോധിച്ചും ഇത് കണ്ടെത്താനാകും.

ഗര്‍ഭകാലത്ത് ഗര്‍ഭിണിയുടെ തൂക്കവും പ്രധാനം. ഇത് ആരോഗ്യവും ശരിയായ തൂക്കവുമുള്ള ഒരു കുഞ്ഞിനെയാണ് കാണിക്കുന്നത്. സാധാരണ ഗതിയില്‍ ഗര്‍ഭകാലത്ത് 15 കിലോ വരെ തൂക്കം വര്‍ദ്ധിക്കണമെന്നാണ് പറയുക. പ്രത്യേകിച്ച് ഗര്‍ഭിണിയാകുന്നതിന് മുന്‍പ് സാധാരണ തൂക്കമുണ്ടായിരുന്ന സ്ത്രീയാണെങ്കില്‍.

എന്നാല്‍ അമിതവണ്ണവും തൂക്കവുമുള്ളവരോട് തൂക്കം അധികം കൂടാതെ ശ്രദ്ധിക്കണമെന്നും ഡോക്ടര്‍മാര്‍ നിര്‍ദേശിക്കാറുണ്ട്. അമ്മയ്ക്ക് അമിതവണ്ണമെങ്കില്‍ പ്രസവസമയത്ത് ബുദ്ധിമുട്ടുകള്‍ വരാന്‍ സാധ്യതയുണ്ട്. കുഞ്ഞിനും സാധാരണയില്‍ കവിഞ്ഞ ക്രമാതീതമായ തൂക്കമുണ്ടെങ്കില്‍ സാധാരണ പ്രസവം ബുദ്ധിമുട്ടായേക്കും.

ഗര്‍ഭകാലത്ത് ഹോര്‍മോണ്‍ അളവിലും വ്യത്യാസം വരും. ഇത് ആരോഗ്യകരമായ ഗര്‍ഭത്തിന് ആവശ്യവുമാണ്. പ്രൊജസ്‌ട്രോണ്‍, ഈസ്ട്രജന്‍ ഹോര്‍മോണ്‍ ഈ കാലഘത്തില്‍ കൂടുതല്‍ ഉല്‍പാദിപ്പിക്കപ്പെടും. എന്‍ഡോമെട്രിയത്തെ ഭ്രൂണത്തിന് അനുയോജ്യമാക്കുന്നതും ആര്‍ത്തവം തടയുന്നതിനും ഇത്തരം ഹോര്‍മോണുകളാണ് സഹായിക്കുന്നത്. സാധാരണ സ്ത്രീക്ക് 20 മില്ലിഗ്രാം പ്രൊജസ്‌ട്രോണാണ് ഉള്ളതെങ്കില്‍ ഗര്‍ഭിണികളില്‍ ഇത് 400 മില്ലിഗ്രാം വേണമെന്നാണ് കണക്ക്. ഈസ്ട്രജന്‍ അളവ് 60ല്‍ നിന്നും 1200 ഗ്രാം വരെയാകും.

വയറിന്റെ വലിപ്പവും പ്രധാനം. ഒരു ഡോക്ടര്‍ക്ക് വയറിന്റെ വലിപ്പം നോക്കി കുഞ്ഞിന്റെ വളര്‍ച്ച തിട്ടപ്പെടുത്താന്‍ കഴിയും. ആരോഗ്യകരമായ ഗര്‍ഭത്തിന്റ ഒരു ലക്ഷണം കൂടിയാണിത്.

കുഞ്ഞിന്റെ അനക്കവും ആരോഗ്യമുള്ള ഗര്‍ഭത്തിന്റെ ലക്ഷണമാണ്. സാധാരണ ആറു മുതല്‍ 10 ആഴ്ച വരെയാകുമ്പോള്‍ കുഞ്ഞിന്റെ അനക്കം അമ്മയ്ക്ക് തിരിച്ചറിയാനാകുമെന്നാണ് പറയുന്നത്. കുഞ്ഞ് സാധാരണ രീതിയില്‍ അനങ്ങുന്നതും ഗര്‍ഭസ്ഥ ശിശുവിന് പ്രശ്‌നങ്ങളില്ലെന്നതിന്റെ തെളിവാണ്.