ഗര്‍ഭനിരോധന ഗുളിക, അറിഞ്ഞിരിക്കൂ

Pre Natal

oi-Saritha

By Veena

Updated: Saturday, July 28, 2012, 13:52 [IST]

വിവാഹം കഴിഞ്ഞയുടനെ കുഞ്ഞു വേണ്ടെന്ന തീരുമാനമെടുക്കുന്നവര്‍ക്ക് ഉപയോഗിക്കാവുന്ന ഏറ്റവും നല്ല ഉപാധിയാണ് ഗര്‍ഭനിരോധനഗുളികകള്‍.

സ്ത്രീഹോര്‍മോണുകളായ ഈസ്ട്രജനും പ്രൊജസ്‌ട്രോണുമാണ് ഇതില്‍ അടങ്ങിയിരിക്കുന്നത്. ഇത് ഗുളികകളിലൂടെ ശരീത്തിന് ലഭിക്കുമ്പോള്‍ സ്വാഭാവികമായും ശരീരം ഇത് ഉല്‍പാദിപ്പിക്കാതിരിക്കുന്നു. അങ്ങനെ ഗര്‍ഭധാരണം തടയുകയുംചെയ്യുന്നു.

35 വയസു കഴിഞ്ഞവര്‍ ഗര്‍ഭനിരോധനഗുളിക ഉപയോഗിക്കുന്നത് അത്ര ആശാസ്യമായിരിക്കില്ല. ഇത് ചിലപ്പോള്‍ വെരിക്കോസ് വെയിന്‍ പോലുള്ള ആരോഗ്യപ്രശ്‌നങ്ങള്‍ ഉണ്ടാക്കിയെന്നു വരും.

ദിവസവും ഒരേ സമയത്ത് തന്നെ ഗുളിക കഴിയ്‌ക്കേണ്ടത് വളരെ പ്രധാനം. വ്യത്യസ്ത സമയങ്ങളില്‍ മരുന്നു കഴിച്ചാല്‍ ഇത് പ്രയോജനം നല്‍കിയെന്നു വരില്ല. ഗുളിക ഉപയോഗിക്കേണ്ട ക്രമം തെറ്റിയാല്‍ കുറച്ചു ദിവസങ്ങള്‍ മറ്റേതെങ്കിലും ഗര്‍ഭനിരോധന മാര്‍ഗങ്ങള്‍ സ്വീകരിക്കുന്നത് നന്നായിരിക്കും.

ഇത്തരം ഗുളികകള്‍ കഴിച്ചു തുടങ്ങുമ്പോള്‍ ചിലരിലെങ്കിലും ഛര്‍ദി, മനംപിരട്ടല്‍, തലവേദന തുടങ്ങിയ ലക്ഷണങ്ങള്‍ കണ്ടുവരാറുണ്ട്. ഇത് അല്‍പദിവസങ്ങള്‍ കഴിഞ്ഞാല്‍ മാറിക്കൊള്ളും. ഇതിന്റെ പേരില്‍ ഗുളിക കഴിയ്ക്കുന്നത് ഇടയ്ക്കു വച്ച് നിര്‍ത്തരുത്. വേണമെങ്കില്‍ ഡോക്ടറോടു പറഞ്ഞ് ഗുളിക മാറ്റിക്കഴിക്കാം.

ഗര്‍ഭനിരോധന ഗുളികകള്‍ ആരോഗ്യപ്രശ്‌നങ്ങള്‍ ഉണ്ടാക്കുന്നതായി ഇതുവരെ തെളിഞ്ഞിട്ടില്ല. നേരെ മറിച്ച് ആര്‍ത്തവം ക്രമമാക്കാനും ബ്രെസ്റ്റ്, ഓവറി ക്യാന്‍സര്‍ തുടങ്ങിയ അസുഖങ്ങള്‍ വരാതിരിക്കാനും ഇത് സഹായിക്കുന്നതായി തെളഞ്ഞി