ഗര്‍ഭം ധരിച്ചാലും ടെസ്റ്റ് നെഗറ്റീവ്!

Pre Natal

oi-Saritha

By Veena

Published: Monday, July 23, 2012, 14:31 [IST]

പൊതുവെ മാസമുറ തെറ്റുന്നതും ഛര്‍ദി, തലചുറ്റല്‍ തുടങ്ങിയ കാര്യങ്ങളുമാണ് ഗര്‍ഭലക്ഷണങ്ങളായി കണക്കാക്കാണ്. എന്നാല്‍ ഇത്തരം ലക്ഷണങ്ങള്‍ക്കു മുന്‍പേയും ഗര്‍ഭലക്ഷണങ്ങളുണ്ടാകാം. ഇത് പലരും തിരിച്ചറിയാറില്ല. ഏര്‍ലി പ്രഗ്നനന്‍സി സൈന്‍ എന്നാണ് ഇത്തരം ലക്ഷണങ്ങള്‍ അറിയപ്പെടാണ്.

എച്ച്‌സിജി എന്നറിയപ്പെടുന്ന ഹോര്‍മോണുമായി ഗര്‍ഭപരിശോധന ബന്ധപ്പെട്ടിരിക്കുന്നു. ഈ ഹോര്‍മോണ്‍ അംശം
കണ്ടെത്തുമ്പോഴാണ് ഗര്‍ഭിണിയാണ് എന്ന് ഉറപ്പിക്കുന്നതും. എന്നാല്‍ മാസമുറ തെറ്റുന്നതിനു മുന്‍പു തന്നെ ചില സ്ത്രീകളില്‍ ഗര്‍ഭലക്ഷണങ്ങള്‍ കാണാറുണ്ട്. ഇവയാണ് ഏര്‍ലി പ്രഗ്നന്‍സി സൈന്‍ എന്നറിയപ്പെടുന്നതും. അണ്ഡ, ബീജ സംയോഗം നടന്ന് ഒരാഴ്ചക്കുള്ളില്‍ തന്നെ ചില സ്ത്രീകളില്‍ ഇത്തരം ലക്ഷണങ്ങള്‍ കാണപ്പെടാറുണ്ട്.

ചിലപ്പോള്‍ ഗര്‍ഭമുണ്ടെങ്കിലും പ്രഗ്നന്‍സി ടെസ്റ്റ് നെഗറ്റീവാകുവാന്‍ സാധ്യതയുണ്ട്. രക്തത്തില്‍ എച്ച്‌സിജി ഹോര്‍മോണ്‍തോത് കുറയുമ്പോഴാണ് ഇങ്ങനെ സംഭവിക്കുക. അത് ഓവുലേഷനു ശേഷം എട്ടു പത്തു ദിവസങ്ങള്‍ നടന്ന് ടെസ്റ്റു ചെയ്യുമ്പോഴായിരിക്കും മിക്കവാറും സംഭവിക്കുക.

എച്ച് സി ജി തോത് ശരിയായ അളവില്‍ എത്താത്തിടത്തോളം ടെസ്റ്റ് നെഗറ്റീവ് ആകുകയും ചെയ്യും. അതായത് മാസമുറ തെറ്റി രണ്ടാഴ്ച വരെ കഴിഞ്ഞാലേ ചിലപ്പോള്‍ ഇത്തരം ടെസ്റ്റ് പൊസറ്റീവാകാന്‍ സാധ്യതയുള്ളൂവെന്നര്‍ത്ഥം. ഇത്തരം ഘട്ടത്തില്‍ മറ്റ് ഗര്‍ഭലക്ഷണങ്ങളുണ്ടെങ്കിലും ടെസ്റ്റ് പൊസറ്റീവാകുന്നതു വരെ കാത്തിരിക്കുകയേ ഗര്‍ഭിണിയാണെന്ന് ഉറപ്പിക്കാന്‍ വഴിയുള്ളൂ.