സ്‌പേം സാപ്പിംഗ്, പുതിയ ഗര്‍ഭനിരോധന വഴി

Published: Monday, June 18, 2012, 17:45 [IST]

സ്ത്രീകള്‍ക്കും പുരുഷന്മാര്‍ക്കുമായി ധാരാളം ഗര്‍ഭനിരോധന മാര്‍ഗങ്ങള്‍ നിലവിലുണ്ട്. പുരുഷന്മാര്‍ക്കായി വാസക്ടമി, കോണ്ടംസ് തുടങ്ങിയ മാര്‍ഗങ്ങളാണ് സാധാരണയായി ഉപയോഗിക്കാറ്.

ഇപ്പോള്‍ പുരുഷന്മാര്‍ക്കായി പുതിയൊരു ഗര്‍ഭനിരോധന മാര്‍ഗം നിലവിലുണ്ട്. സ്‌പേം സാപ്പിംഗ് എന്നാണ് ഇത് അറിയപ്പെടുന്നത്.

അള്‍ട്രാസൗണ്ട് രീതിയാണ് സ്‌പേം സാപ്പിംഗിനായി ഉപയോഗിക്കുന്നത്. പുരുഷ വൃഷണങ്ങളില്‍ അള്‍ട്രാസൗണ്ട് വഴി ഒരു ജെല്‍ കടത്തിവിടും. ഇത് ബീജങ്ങളുടെ തടസപ്പെടുത്തുകയും അങ്ങനെ ഗര്‍ഭധാരണം തടയുകയും ചെയ്യും.

വാസക്ടമി പോലൊരു രീതിയാണ് ഇത്. എന്നാല്‍ താല്‍ക്കാലികം മാത്രം. ഒരു കുത്തിവയ്പു വഴി വീണ്ടും ബീജോല്‍പാദനം നടക്കുകയും ചെയ്യും.

അള്‍ട്രാസൗണ്ട് സഹായത്തോടെ വൃഷണങ്ങളിലേക്കുള്ള ബീജത്തിന്റെ സഞ്ചാരം തടസപ്പെടുത്തുകയാണ് ഇവിടെ ചെയ്യുന്നത്.

ഈ വിദ്യ താരതമ്യേന ദോഷങ്ങളില്ലാത്തതാണെന്നു കണ്ടെത്തിയിട്ടുമുണ്ട്. കുഞ്ഞുങ്ങള്‍ വേണമെന്നുള്ളപ്പോള്‍ വീണ്ടും ബീജസഞ്ചാരം തുടരാനും മാര്‍ഗമുണ്ടെന്നതു തന്നെ പ്രധാന ഗുണം.