ഗര്‍ഭധാരണം ഒഴിവാക്കേണ്ട സന്ദര്‍ഭങ്ങള്‍

Pre Natal

oi-Saritha

By Veena

Updated: Friday, April 12, 2013, 9:10 [IST]

പ്ലാനിംഗ് എന്ന വാക്കിന് വിശാലമായ അര്‍ത്ഥമുണ്ട്. ഗര്‍ഭധാരണത്തിന്റെ കാര്യത്തിലും ഇത് കാര്യം തന്നെ. പ്ലാനിംഗ് എന്ന വാക്കുകൊണ്ട് ഗര്‍ഭധാരണത്തിന് വിചാരിക്കുന്നതിനേക്കാള്‍ വിശാല അര്‍ത്ഥങ്ങളുണ്ട്.

ചില പ്രത്യേക സന്ദര്‍ഭങ്ങളില്‍ ഗര്‍ഭധാരണം ഒഴിവാക്കുന്നതാണ് നല്ലത്. ഇത് ഏതൊക്കെ സമയങ്ങളിലാണെന്നു നോക്കൂ.

ഗര്‍ഭധാരണത്തിന് സ്ത്രീയുടെ ആരോഗ്യവും വളരെ പ്രധാനം തന്നെ. ഇതെടുക്കുമ്പോള്‍ ശരീരത്തിലെ ഹീമോഗ്ലോബിന്‍ അളവിനും വളരെ പ്രാധാന്യമുണ്ട്. രക്തക്കുറവ് സ്ത്രീകളില്‍ വിളര്‍ച്ചയുണ്ടാക്കുന്നു. ഇതൊരിക്കലും ഗര്‍ഭധാരണത്തിന് പറ്റിയ സമയമല്ല. ഗര്‍ഭം ധരിക്കുന്ന സ്ത്രീക്ക് ഹീമോഗ്ലോബിന്‍ അളവ് 12ണ്ടെങ്കിലും വേണം.

തൈറോയ്ഡ് ഗര്‍ഭധാരണത്തെ ബാധിക്കുന്ന പ്രധാന രോഗമാണ്. ഹൈപ്പോതൈറോയ്ഡ് ഉള്ളവര്‍ക്ക് ഗര്‍ഭധാരണത്തിന് വരെ ബുദ്ധിമുട്ടുണ്ടാകും. എന്നാല്‍ ഹൈപ്പര്‍തൈറോയ്ഡ് ഗര്‍ഭസ്ഥ ശിശുവിന്റെ തലച്ചോറിനെ വരെ ബാധിക്കും. തൈറോയ്ഡുള്ളവര്‍ ഗര്‍ഭം ധരിക്കുന്നതിന് മുന്‍പ് ഈ പ്രശ്‌നം പരിഹരിക്കുന്നതാണ് നല്ലത്.

പുരുഷനോ സ്ത്രീക്കോ ആര്‍ക്കെങ്കിലും മലേറിയ, ചിക്കന്‍ പോക്‌സ്, ഹെപ്പറ്റൈറ്റിസ് തുടങ്ങിയവ പോലുള്ള രോഗങ്ങളുണ്ടായിരുന്നുവെങ്കില്‍ ഇതിനു ശേഷം മൂന്നു മാസമെങ്കിലും കഴിഞ്ഞ് ഗര്‍ഭധാരണത്തിന് ശ്രമിക്കുന്നതാണ് നല്ലത്. അല്ലെങ്കില്‍ ഗര്‍ഭശ്ഥ ശിശുവിന് ആരോഗ്യപ്രശ്ങ്ങളുണ്ടാകാനും അബോര്‍ഷന്‍ സംഭവിക്കാനുമുള്ള സാധ്യത കൂടുതലാണ്.

അബോര്‍ഷന്‍ നടന്നിട്ടുണ്ടെങ്കില്‍ ഇതിന് ശേഷം ഒരു വര്‍ഷമെങ്കിലും കഴിഞ്ഞ ശേഷം വീണ്ടും ഗര്‍ഭധാരണത്തിന് ശ്രമിക്കുന്നതാണ് നല്ലത്. കാരണം അബോര്‍ഷന്‍ യൂട്രസിന് ഏല്‍പ്പിച്ച മുറിവുണക്കാന്‍ ഇത്ര സമയമെങ്കിലും വേണ്ടി വരും.

പ്രമേഹമുള്ളവരും ഇത് നിയന്ത്രണത്തില്‍ വരുത്തിയ ശേഷം ഗര്‍ഭധാരണത്തിന് ശ്രമിക്കുന്നതാണ് നല്ലത്. പ്രമേഹമുള്ളവരില്‍ ഗര്‍ഭകാല പ്രമേഹം കൂടി വന്നാല്‍ കാര്യങ്ങള്‍ ഗുരുതരമാകും.

ടെന്‍ഷനും സ്‌ട്രെസും ഗര്‍ഭത്തെ ബാധിക്കും. ഇത്തരം സാഹചര്യങ്ങളില്‍ ഗര്‍ഭധാരണം ഒഴിവാക്കുക. കാരണം ഇവ അബോര്‍ഷനടക്കമുള്ള പ്രശ്‌നങ്ങള്‍ക്ക് കാരണമാകും. ഗര്‍ഭകാലത്തെ അമ്മയുടെ മാനസികനില കുഞ്ഞിനെയും സ്വാധീനിക്കുമെന്നു പറയുന്നത് മറ്റൊരു കാര്യവും.