ചില 'ഗര്‍ഭ'ക്കാര്യങ്ങള്‍

Published: Tuesday, April 24, 2012, 16:39 [IST]

ഒരു കുഞ്ഞു കടന്നുവരുന്നതോടെയാണ് ദാമ്പത്യത്തിന് ദൃഢതയേറുന്നതെന്നു പറയും. കുഞ്ഞിനു ജന്മം കൊടുക്കുന്നതും വളര്‍ത്തുന്നതും നിസാര ഉത്തരവാദിത്വങ്ങളല്ല.

അച്ഛനമ്മമാരാകാന്‍ ആദ്യമെ തന്നെ മാനസികമായി ഒരുങ്ങണം. കുഞ്ഞ് എപ്പോള്‍ വേണമെന്ന കാര്യത്തില്‍ ദമ്പതിമാര്‍ ഒരുമിച്ചു ചേര്‍ന്ന് ഒരു തീരുമാനമെടുക്കുകയാണ് നല്ലത്.

ഗര്‍ഭിണിയാകാന്‍ സാധ്യതയുള്ള സമയം നോക്കി സെക്‌സില്‍ ഏര്‍പ്പെടുകയെന്നത് പ്രധാനമാണ്. ഓവുലേഷന്‍ സമയമായിരിക്കും ഇതിന് ഏറ്റവും നല്ലത്. 28 ദിവസത്തെ ആര്‍ത്തവചക്രത്തില്‍ 14-ാമത്തെ ദിവസമാണ് സാധാരണ ഗതിയില്‍ ഓവുലേഷന്‍ സാധ്യത. ഗര്‍ഭം ധരിക്കുവാന്‍ ഏറ്റവും സാധ്യതയുള്ള സമയം ഇതുതന്നെയാണ്.

ആരോഗ്യമുള്ള ഗര്‍ഭത്തിനും കുഞ്ഞിനും അമ്മയുടെ ആരോഗ്യം പ്രധാനമാണ്. ഗര്‍ഭം ധരിക്കുന്നതിന് മുന്‍പു തന്നെ പോഷകാഹാരമുള്ള ഭക്ഷണങ്ങള്‍ കഴിച്ചു തുടങ്ങുക. ഫോളിക് ആസിഡ് ധാരാളമുള്ള ഭക്ഷണം കുഞ്ഞിന്റെ വളര്‍ച്ചയ്ക്ക് വളരെ അത്യാവശ്യമാണ്. നല്ല ഭക്ഷണം കഴിച്ചാല്‍ കുഞ്ഞിനും അമ്മയ്ക്കുമുണ്ടാകുന്ന പല പ്രശ്‌നങ്ങളും പരിഹരിക്കാന്‍ സാധിക്കും. കൃത്യമായ ഓവുലേഷനും മാസമുറയ്ക്കും പരോക്ഷമായി ഭക്ഷണത്തിനും പങ്കുണ്ട്.

മദ്യപാനം, പുകവലി തുടങ്ങിയ ശീലകള്‍ ഗര്‍ഭിണിയാകുന്നതിന് മുന്നോടിയായി ഉപേക്ഷിക്കുന്നതാണ് നല്ലത്. ഇത് ഗര്‍ഭസ്ഥ ശിശുവിന് ദോഷം ചെയ്യും. അമിതമായ കാപ്പിയുടെ ഉപയോഗവും ഒഴിവാക്കണം.

ഗര്‍ഭം ധരിക്കുന്നതിന് മുന്‍പ് ഒരു ഡോക്ടറെ കണ്ട് ഉപദേശങ്ങള്‍ തേടുന്നത് നന്നായിരിക്കും.