ഗര്‍ഭത്തിന് അച്ഛനും ഒരുങ്ങണം

ഗര്‍ഭധാരണം മാനസികമായ മാറ്റങ്ങളാണ് പുരുഷനില്‍ സൃഷ്ടിക്കുന്നത്. ഭാര്യയുടെ വയറ്റില്‍ കിടക്കുന്ന കുഞ്ഞിനോട് ഇമോഷണല്‍ അടുപ്പം തോന്നേണ്ടത് അത്യാവശ്യം. ഉത്തരവാദിത്വത്തോടെ കാര്യങ്ങള്‍ കണ്ടറിഞ്ഞു ചെയ്യുക.

ഗര്‍ഭകാലത്ത് ഭാര്യയ്ക്ക് കൂടുതല്‍ ശ്രദ്ധയും കരുതലും ആവശ്യമാണെന്ന കാര്യം തിരിച്ചറിയുക. ഭാര്യയുടെ കാര്യങ്ങള്‍ പറയാതെ തന്നെ കണ്ടറിഞ്ഞു ചെയ്യണം. വീട്ടുജോലികളിലും മറ്റും സഹായം നല്‍കാം. ഭാര്യയുടെ ഭക്ഷണ, ആരോഗ്യ കാര്യങ്ങളില്‍ പൂര്‍ണശ്രദ്ധ വേണം.

കുഞ്ഞുണ്ടായിക്കഴിയുമ്പോള്‍ അച്ഛന് ചെയ്യാന്‍ കഴിയുന്ന ഒരുപാടു കാര്യങ്ങളും സഹായങ്ങളുമുണ്ട്. ഇവയെക്കുറിച്ച് വായിച്ചു വേണമെങ്കില്‍ അറിയാം.

കുഞ്ഞിനെ നല്ല രീതിയില്‍ വളര്‍ത്തണമെങ്കില്‍ സാമ്പത്തിക കരുതല്‍ പ്രധാനം. ഇതിനു വേണ്ടി മുന്‍കൂട്ടി ഒരുങ്ങുക. കുഞ്ഞിനായി എന്തെങ്കിലും നിക്ഷേപം ചെറിയ രീതിയിലാണെങ്കിലും കരുതി വയ്്ക്കാം.

ഗര്‍ഭകാലത്ത് പല എമര്‍ജന്‍സികളും ചിലപ്പോള്‍ വന്നേക്കാം. ഇത്തരം അവസ്ഥകള്‍ നേരിടാനുള്ള മാനസികാവസ്ഥ മൂന്‍കൂട്ടി തന്നെ സ്വന്തമാക്കണം.