ഗര്‍ഭനിരോധന ഗുളികയ്ക്ക് ഗുണം പലത്

സ്ത്രീകളില്‍ ആര്‍ത്തവത്തിന് മുന്നോടിയായി വരുന്ന പിഎംഎസ് അഥവാ പ്രീ മെന്‍സ്ട്രല്‍ സിന്‍ഡ്രോം ഒഴിവാക്കാന്‍ ഗര്‍ഭനിരോധന ഗുളികകള്‍ക്കു കഴിയും. ഹോര്‍മോണുകള്‍ നിയന്ത്രിച്ച് മൂഡുമാറ്റം ഒഴിവാക്കുകയാണ് ഇവ ചെയ്യുന്നത്.

ആര്‍ത്തവസംബന്ധമായ വേദനകള്‍ കുറയ്ക്കാനും ഗര്‍ഭനിരോധന ഗുളികകള്‍ നല്ലതാണ്. ആര്‍ത്തവത്തോടനുബന്ധിച്ച് ചില സ്ത്രീകള്‍ക്ക് രക്തം കട്ടയായി പോകാറുണ്ട്. ഇത് മാറ്റി സാധാരണ ബ്ലീഡിംഗാക്കാന്‍ ഗര്‍ഭനിരോധന ഗുളികകള്‍ക്ക് കഴിയും. ഈ ഗുളികകള്‍ രക്തം കട്ട പിടിക്കുന്നത് ഒഴിവാക്കും.

ഗര്‍ഭനിരോധന ഗുളികകള്‍ ഉപയോഗിക്കുന്ന സ്ത്രീകളില്‍ ആര്‍ത്തവസംബന്ധമായി വരുന്ന വിളര്‍ച്ച കുറവായിരിക്കും. രക്തനഷ്ടം കൊണ്ടാണ് സാധാരണ വിളര്‍ച്ച വരിക. ഗുളികകള്‍ അധികം രക്തം പോകുന്നത് തടയും.

പോളിസിസ്റ്റിക് ഓവറിയുള്ള സ്ത്രീകള്‍ ഗര്‍ഭനിരോധന ഗുളിക ഉപയോഗിക്കുന്നത് നല്ലതാണ്. സിസ്റ്റിന് ഇതൊരു പരിഹാരമാര്‍ഗമാണ്.

ആര്‍ത്തവം ക്രമമാക്കാനും ഗര്‍ഭനിരോധന ഗുളിക സഹായിക്കും. 28 ഗുളിക കഴിയ്ക്കുന്നതു കൊണ്ടുതന്നെ ആര്‍ത്തവം 28 ദിവസം കൂടുമ്പോള്‍ വരികയും ചെയ്യും.

രണ്ടോ മൂന്നോ വര്‍ഷം ഗര്‍ഭനിരോധന ഗുളികകള്‍ ഉപയോഗിക്കുന്നത് ക്യാന്‍സര്‍ സാധ്യത കുറയ്ക്കുകയും ചെയ്യും.