ഗര്‍ഭത്തില്‍ ഇരട്ടകളെങ്കില്‍

വയറിന്റെ വലുപ്പം തന്നെ ഇരട്ടക്കുട്ടികളെ തിരിച്ചറിയാനുള്ള പ്രധാന ലക്ഷണം. ഒരു സ്‌കാനിംഗും കൂടാതെ വയര്‍ നോക്കി ലക്ഷണം പറയുന്ന മുത്തശ്ശിമാര്‍ ജീവിച്ചിരുന്ന ഒരു കാലമുണ്ടായിരുന്നു. ഇപ്പോഴും ചിലയിടത്തെങ്കിലും ഉണ്ടായിരിക്കും.

ഇരട്ടക്കുട്ടികളാണെങ്കില്‍ അമ്മയ്ക്ക് ഗര്‍ഭത്തിന്റെ ആദ്യകാലങ്ങളില്‍ തന്നെ കൂടുതല്‍ ക്ഷീണവും തളര്‍ച്ചയും ഉണ്ടാകും. ചിലര്‍ക്ക് ശ്വസിക്കാന്‍ ബുദ്ധിമുട്ടുണ്ടാവുകയും കിതപ്പും ഉറക്കക്കുറവും ഉണ്ടാവുകയും ചെയ്യും.

ചില സ്ത്രീകളില്‍ ഇരട്ടക്കുട്ടികളാണെങ്കില്‍ മോണിംഗ് സിക്‌നസും കൂടുതലാണെന്ന് പറയും. എന്നാല്‍ ഒരു കുട്ടിയുള്ളവര്‍ക്കും ഇത് അനുഭവപ്പെടുന്നതിനാല്‍ വിശ്വാസ്യമായ തെളിവായെടുക്കാന്‍ പറ്റില്ല.

മൂഡ് പെട്ടെന്നു തന്നെ മാറിമറയുന്നതും ഇരട്ടക്കുഞ്ഞുങ്ങളുടെ ലക്ഷണമാണത്രെ. ഇരട്ടക്കുട്ടികള്‍ക്കായി ശരീരം കൂടുതല്‍ ഹോര്‍മോണ്‍ ഉല്‍പാദിപ്പിക്കുന്നതു തന്നെ കാരണം.

ഡോക്ടര്‍മാര്‍ക്ക് കുഞ്ഞിന്റെ ഹൃദയമിടിപ്പ് പരിശോധിച്ചാല്‍ ഇരട്ടകളാണോയെന്ന കാര്യം മനസിലാക്കാനാകും.