ഗര്‍ഭം ഒന്‍പതു മാസം

Pre Natal

oi-Saritha

By Veena

Published: Friday, February 17, 2012, 12:35 [IST]

ഗര്‍ഭം ഒന്‍പതു മാസമായാല്‍ പ്രസവം എപ്പോള്‍ വേണമെങ്കിലുമാകാം എന്നത് തന്നെ പ്രധാനം. കുഞ്ഞിന്റെ തല താഴോട്ടു വരുന്നുവെന്നതാണ് പ്രധാനം. സാധാരണ പ്രസവത്തിന് ഇത് വളരെ അത്യാവശ്യവുമാണ്. ചില കേസുകളില്‍ കുഞ്ഞിന്റെ തലഭാഗം താഴോട്ടു വരില്ല. ഇത് സിസേറിയന് വഴിയൊരുക്കുകയും ചെയ്യും.

കുഞ്ഞിന്റെ തല പെല്‍വിക് മസിലിനടുത്ത് വരുന്നതു കൊണ്ടുതന്നെ അമ്മയ്ക്ക് മൂത്രശങ്ക തോന്നും. കുഞ്ഞിറങ്ങി വരുന്നതു കൊണ്ട് വയറും താഴോട്ടു തൂങ്ങും. പ്രസവമടുത്തു എന്നതിന്റെ ലക്ഷണമാണിത്. ഇതോടൊപ്പം അമ്മയ്ക്ക് ക്ഷീണവും കൂടുതല്‍ തോന്നും.

ബ്രൗണ്‍, പിങ്ക് നിറത്തില്‍ ഡിസ്ചാര്‍ജ് ഉണ്ടാകുന്നതും ഒന്‍പതാം മാസം സാധാരണയാണ്. ചിലപ്പോള്‍ രക്തത്തുള്ളികളും കാണപ്പെടും.

ശാരീരിക അസ്വസ്ഥതകള്‍ കൂടുന്ന സമയമാണിത്. കാലുകളില്‍ നീരധികമാകാനും സാധ്യതയുണ്ട്. കാലുകള്‍ കഴിവതും തൂക്കിയിടാതിരിക്കുന്നത് നീരു കുറയ്ക്കും. മസില്‍ വേദനയും സാധാരണം.

ചര്‍മം ഈ സമയത്ത് വളരെ സെന്‍സിറ്റീവായിരിക്കും. ഇതു കാരണം അലര്‍ജികള്‍ക്കുള്ള സാധ്യതയും കൂടുതലാണ്. ചര്‍മസംരക്ഷണത്തില്‍ കൂടുതല്‍ ശ്രദ്ധ വയ്ക്കണം.