എട്ടാംമാസം ഗര്‍ഭാലസ്യം

കുഞ്ഞിന്റെ വലിപ്പമനുസരിച്ച് അമ്മയുടെ വയറും വലുതായിരിക്കും. ഇതനുസരിച്ച് നടുവേദന, കൈകാലുകളില്‍ നീര് തുടങ്ങിയ അസ്വസ്ഥതകളുമുണ്ടാകും.

കുഞ്ഞിന്റെ ചലനം നന്നായി അറിഞ്ഞു തുടങ്ങും. കുഞ്ഞ് കൈകാലിട്ടടിക്കുന്നതും ചവിട്ടുന്നതുമെല്ലാം അമ്മയ്ക്ക് അറിയാന്‍ കഴിയും.

പ്രസവമടുത്തുവെന്ന തോന്നലും കുഞ്ഞിന്റെ അടിക്കടിയുള്ള ചലനങ്ങള്‍ കൊണ്ട് അനുഭവപ്പെടും.

കിടക്കുമ്പോള്‍ വശം തിരിഞ്ഞു കിടക്കുന്നതാണ് ഗര്‍ഭിണിക്ക് ഏറ്റവും നല്ലത്. വയര്‍ കാരണം കമിഴ്ന്നു കിടക്കാന്‍ സാധിക്കില്ല, മലര്‍ന്നു കിടന്നാലാകട്ടെ, നടുവിന് കൂടുതല്‍ സമ്മര്‍ദം വരികയും ശ്വാസമെടുക്കാന്‍ ബുദ്ധിമുട്ടുണ്ടാകുകയും ചെയ്യും.

ഭക്ഷണ, പോഷണ കാര്യങ്ങളില്‍ നല്ല പോലെ ശ്രദ്ധിക്കേണ്ട സമയമാണിത്. മാസം തികയാതെ പ്രസവിക്കുകയാണെങ്കില്‍ പോലും കുഞ്ഞിന് തൂക്കമുണ്ടെങ്കിില്‍ അപകടമുണ്ടാകില്ല.

നടക്കുന്നതു പോലുള്ള ലഘുവായ വ്യായാമങ്ങള്‍ ചെയ്യുന്നതും നല്ലതാണ്.