ഗര്‍ഭം ഏഴാംമാസം പ്രമേഹസാധ്യത കൂടുതല്‍

ഏഴാം മാസമാണ് ഗര്‍ഭത്തോടുനുബന്ധമായ പ്രമേഹം വരാന്‍ സാധ്യതയുള്ള സമയം. അതുകൊണ്ടു തന്നെ ഭക്ഷണകാര്യത്തില്‍ അതീവശ്രദ്ധ വേണം. മധുരം കൂടുതല്‍ കഴിയ്ക്കാതിരിക്കുകയാണ് നല്ലത്.

കുഞ്ഞിന്റെ അടിക്കടിയുള്ള ചലനം കാരണം ഗര്‍ഭപാത്രം വികസിക്കുകയും ചുരുങ്ങുകയും ചെയ്യും. ഇതും വയര്‍ വലുതാകുന്നതും ചിലരിലെങ്കിലും കിതപ്പും ശ്വസിക്കാനുള്ള ബുദ്ധിമുട്ടുമുണ്ടാക്കും. ഇത് നിസാരമായി എടുക്കാനും പാടില്ല. കാരണം ചിലപ്പോഴിത് മാസം തികയാതെയുള്ള പ്രസവലക്ഷണവുമാകും.

വയറു കാരണം നട്ടെല്ലിന് സമ്മര്‍ദം കൂടുതന്നതിനാല്‍ നടുവേദന ഈ സമയത്ത് സാധാരണമാണ്. ചൂടുവെള്ളത്തില്‍ കുളിക്കുന്നതും ആയാസമില്ലാത്ത വ്യായാമങ്ങള്‍ ചെയ്യുന്നതും നല്ലതാണ്.

കുഞ്ഞിന്റെ വലിപ്പം കൂടുന്നതു കൊണ്ട് ഞരമ്പുകളില്‍ കൂടുതല്‍ ഭാരം അനുഭവപ്പെടും. ഇത് ഹെമറോയിഡിന് കാരണമാകും. അതുകൊണ്ടു തന്നെ മലബന്ധം വരാതെ നോക്കേണ്ടതും പ്രധാനമാണ്. നാരുകളുള്ള ഭക്ഷണവും ധാരാളം വെള്ളവും ഗര്‍ഭിണികള്‍ കഴിച്ചിരിക്കണം.