ഗര്‍ഭം ആറുമാസം, വ്യത്യാസങ്ങളറിയൂ

ഗര്‍ഭം ആറുമാസമാകുമ്പോള്‍ വയറിന്റെ വലിപ്പം കാര്യമായിത്തന്നെ കൂടിയിട്ടുണ്ടാകും. കുഞ്ഞിന്റെ ചലനങ്ങളും കുഞ്ഞ് വയറ്റില്‍ ചവിട്ടുന്നതും വ്യക്തമായി അറിയാന്‍ സാധിക്കും.

ഈ സമയത്ത് അമ്മയുടെ അസ്വാസ്ഥ്യങ്ങളും വര്‍ദ്ധിക്കും. തളര്‍ച്ച, കാലില്‍ നീരു വരിക, മസില്‍ കയറുക, ദഹനക്കേട്, തലവേദന, പുറവേദന തുടങ്ങിയവ ഈ സമയത്ത് സാധാരണയാണ്. സ്തനവലിപ്പത്തിലും ശരീരഭാരത്തിലും കാര്യമായ വ്യത്യാസങ്ങള്‍ വരും.

പോഷകാഹാരമുള്ള ഭക്ഷണം ഈ സമയത്ത് അത്യാവശ്യം. വ്യായാമങ്ങള്‍ ചെയ്യുന്നത് ശാരീരിക അസ്വസ്ഥതകള്‍ കുറയ്ക്കും. ചൂടുവെള്ളത്തില്‍ കുളിക്കുന്നതും ശാരീരിക അസ്വസ്ഥതകള്‍ കുറയ്ക്കും.

ധാരാളം വെള്ളവും വൈറ്റമിന്‍ ഡ്രിങ്കുകളും കുടിയ്ക്കുന്നത് ഈ സമയത്ത് അത്യാവശ്യമാണ്.