ഗര്‍ഭം നാലാംമാസം, വായിച്ചറിയൂ

നാലാംമാസമായാല്‍ മോണിംഗ് സിക്‌നസും ഛര്‍ദിയും കുറയും. എന്നാല്‍ ഗര്‍ഭിണിയുടെ ശരീരഭാരവും അതോടൊപ്പം ക്ഷീണവും കൂടും. വയറിലും ശരീരത്തിലും വെളുത്ത നിറത്തിലുള്ള പാടുകള്‍ വ്യക്തമായി കണ്ടുതുടങ്ങും. മാനസികമായും ഗര്‍ഭിണിയില്‍ മാറ്റങ്ങള്‍ കണ്ടുതുടങ്ങും. പെട്ടെന്ന് വികാരക്ഷോഭമുണ്ടാകുന്ന അവസ്ഥയും ഈ സമയത്ത് പതിവാണ്.

വയര്‍ വലുതാവുന്നതു കൊണ്ട് കിടക്കുമ്പോള്‍ ബുദ്ധിമുട്ടു തോന്നുന്നതും ഈ സമയത്ത് പതിവാണ്. വശം തിരിഞ്ഞു കിടക്കുന്നതായിരിക്കും കൂടുതല്‍ നല്ലത്. വശം തിരിഞ്ഞു കിടന്ന് കാലുകള്‍ക്കിടയില്‍ തലയിണ വച്ചാല്‍ കിടക്കുവാനുള്ള ബുദ്ധിമുട്ട് ഒരു പരിധി വരെ ഒഴിവാക്കാം.

വയറ്റിലുള്ള കുഞ്ഞിന്റെ ശരീരത്തില്‍ സ്വന്തമായി ഇന്‍സുലിന്‍, ബൈല്‍ ഉല്‍പാദനം നടക്കുന്നത് ഈ മാസത്തിലാണ്. കുഞ്ഞിന്റെ പല്ലിന്റെ രൂപീകരണം പൂര്‍ത്തിയാകും. മുടിയുടെ ഘടനയും ഈ ഘട്ടത്തില്‍ തിരിച്ചറിയാന്‍ സാധിക്കും.