മൂന്നാംമാസം കഴിഞ്ഞാല്‍ അബോര്‍ഷന്‍ സാധ്യത കുറവ്

Pre Natal

oi-Saritha

By Veena

Published: Tuesday, February 7, 2012, 11:06 [IST]

ഐശ്വര്യാ റായിയുടെ ഗര്‍ഭം മൂന്നു മാസം ആയപ്പോഴാണ് അമിതാഭ് ബച്ചന്‍ ഇക്കാര്യം എല്ലാവരെയും അറിയിച്ചത്. മൂന്നാം മാസം വരെ പലരും ഗര്‍ഭവിവരം മൂടിവയ്ക്കും. കാരണമെന്തെന്നറിയാമോ, ഗര്‍ഭം മൂന്നുമാസമായാല്‍ അബോര്‍ഷന്‍ സാധ്യത തീരെ കുറഞ്ഞു എന്നു തന്നെ പറയാം. ഇതിന് ശേഷം അബോര്‍ഷന്‍ സംഭവിക്കാനുള്ള സാധ്യത കുറവുമാണ്.

മൂന്നാം മാസമാകുമ്പോഴേക്കും വയര്‍ അല്‍പം പുറത്തു കണ്ടു തുടങ്ങിയിരിക്കും. കുഞ്ഞിന്റെ എല്ലുകള്‍ കൂടുതല്‍ ബലപ്പെട്ടിട്ടുണ്ടായിരിക്കും. കണ്ണുകളും ചെവികളും രൂപപ്പെട്ടു കഴിഞ്ഞിരിക്കും. എന്നാല്‍ ഈ സമയത്തും ആണ്‍കുഞ്ഞോ പെണ്‍കുഞ്ഞോ എന്ന് സ്‌കാനിംഗ് നടത്തിയാലും തിരിച്ചറിയാനുള്ള സാധ്യത കുറവു തന്നെ.

രണ്ടാം മാസത്തോട് സാമ്യമുള്ള ലക്ഷണങ്ങളായിരിക്കും മൂന്നാം മാസവും കണ്ടുവരുന്നത്. മനംപിരട്ടല്‍, ചില ഭക്ഷണങ്ങളോടുള്ള താല്‍പര്യം, നെഞ്ചെരിച്ചില്‍ തുടങ്ങിയ പ്രശ്‌നങ്ങളുണ്ടായിരിക്കും. ഗര്‍ഭിണിയുടെ തൂക്കം മറ്റു മാസങ്ങളെ അപേക്ഷിച്ച് കൂടുതലായിരിക്കുകയും ചെയ്യും.

കുഞ്ഞിന്റെ എല്ലുകള്‍ പ്രധാനമായും രൂപപ്പെടുന്നത് രണ്ടാംമാസമാണ്. അതുകൊണ്ട് കാല്‍സ്യം അടങ്ങിയ ഭക്ഷണസാധനങ്ങള്‍ ഈ സമയത്ത് പ്രധാനമായും കഴിച്ചിരിക്കണം. ഇലക്കറികള്‍, വെണ്ണ, ബ്രൊക്കോളി എന്നിവ ഈ സമയത്തു കഴിയ്ക്കാവുന്ന ഭക്ഷണങ്ങളാണ്.

കുഞ്ഞിന്റെ വളര്‍ച്ചയും ചലനങ്ങളും അമ്മയ്ക്കു തന്നെ തിരിച്ചറിയാവുന്ന സമയമാണിത്. പെട്ടെന്നുണ്ടാകുന്ന ഹോര്‍മോണ്‍ വ്യത്യാസങ്ങള്‍ കാരണം ഗര്‍ഭിണിയുടെ ചര്‍മം, മുടി, നഖങ്ങള്‍ എന്നിവയ്ക്കും ഉണ്ടാകുന്ന മാറ്റങ്ങള്‍ പ്രത്യക്ഷത്തില്‍ അറിയാന്‍ സാധിക്കും. ഈ സമയത്ത ദന്തരോഗങ്ങള്‍ വരാന്‍ സാധ്യത കൂടുതലാണ്. അതുകൊണ്ട് ദന്തസംരക്ഷണത്തില്‍ നല്ലപോലെ ശ്രദ്ധിക്കുകയും വേണം.

ഗര്‍ഭിണിയുടെ മാറിടത്തിലും വയറിലും നിതംബഭാഗത്തും വെളുത്ത പാടുകള്‍ കാണാന്‍ തുടങ്ങുന്നതും മൂന്നാംമാസം മുതലാണ്. ചര്‍മം വലിയുന്നതും വണ്ണം കൂടുന്നതും വയര്‍ വലുതാകുന്നതുമാണ് ഇതിന് കാരണം.