ഗര്‍ഭത്തിന്റെ രണ്ടാം മാസം ഭ്രൂണവളര്‍ച്ച വേഗം

Published: Saturday, February 4, 2012, 12:26 [IST]

ഓരോരോ മാസങ്ങളിലും ഗര്‍ഭിണികളില്‍ പ്രകടമായ വ്യത്യാസങ്ങളുണ്ടായിക്കും. ഗര്‍ഭത്തിന്റ രണ്ടാം മാസം വളരെ പ്രധാനപ്പെട്ടതാണെന്നു വേണമെങ്കില്‍ പറയാം. കാരണം അണ്ഡവും ബീജവും സംയോജിച്ച ശേഷമുള്ള ചെറിയ കോശത്തില്‍ നിന്നും ഭ്രൂണമായി മാറുന്ന സമയമാണിത്. ഭ്രൂണത്തിന്റെ ഹൃദയമിടിപ്പും തുടങ്ങും. അതിവേഗം വളരുന്ന ഭ്രൂണം രണ്ടാം മാസം അവസാനമാകുമ്പോഴേയ്ക്കും തലയും ശരീരവും വേര്‍തിരിച്ചറിയാനാകുന്ന കുഞ്ഞിന്റെ രൂപത്തിലുമാകും. കൈകാലുകളും പ്രധാന അവയവങ്ങളും വളര്‍ച്ച തുടങ്ങുന്ന സമയം കൂടിയാണിത്.

കുഞ്ഞില്‍ മാത്രമല്ലാ, അമ്മയ്ക്കും രണ്ടാം മാസത്തില്‍ പ്രകടമായ വ്യത്യാസങ്ങള്‍ കാണാം. മോണിംഗ് സിക്‌നസ്, മൂത്രശങ്ക തുടങ്ങിയ പൊതുലക്ഷണങ്ങളും പതിവായിരിക്കും. മാറിടങ്ങള്‍ കൂടുതല്‍ മൃദുലമാകുക, ക്ഷീണം തോന്നുക എന്നിവയും രണ്ടാംമാസത്തില്‍ കണ്ടുവരുന്ന ലക്ഷണങ്ങളാണ്. ശരീരഭാരം കൂടുന്നതു കൊണ്ട് തടി കൂടുതല്‍ തോന്നിക്കുകയും ചെയ്യും. ഭ്രൂണവളര്‍ച്ച പ്രധാനമായും നടക്കുന്ന മാസമായതു കൊണ്ട് പോഷകാഹാരത്തിന്റെ കാര്യത്തില്‍ കൂടുതല്‍ ശ്രദ്ധിക്കുകയും വേണം,. ഫോളിക് ആസിഡ്, വൈറ്റമിനുകള്‍ എന്നിവയുടെ ആവശ്യം കൂടുതലുള്ള സമയമാണിത്.

ആദ്യമാസത്തില്‍ നിന്നും വ്യത്യസ്തമായി രണ്ടാംമാസത്തില്‍ ബ്ലീഡിംഗ് സാധാരണയല്ല. ഇങ്ങനെയെന്തെങ്കിലുമുണ്ടെങ്കില്‍ ഉടനെ ഡോക്ടറുടെ ഉപദേശം തേടുന്നത് നന്നായിരിക്കും.