അച്ഛനാകാന്‍ പുരുഷനും ഒരുക്കം വേണം

പാര്‍ട്ടികളില്‍ പോയി വെള്ളമടിച്ച് നടക്കുന്നവരാണെങ്കില്‍ ഇതാദ്യം കുറയ്ക്കുകയാണ് വേണ്ടത്. പുകവലി, മദ്യപാനം തുടങ്ങിയവ ബീജത്തിന്റെ ഗുണത്തിനും എണ്ണത്തിനും കോട്ടം വരുത്തും. പരോക്ഷമായെങ്കിലും ഇത്തരം ശീലങ്ങള്‍ അമ്മയേയും കുഞ്ഞിനേയും ബാധിക്കുകയും ചെയ്യും. പുരുഷന് വന്ധ്യത വരുത്താനുള്ള രണ്ട് കാരണമങ്ങള്‍ കൂടിയാണിത്. വ്യായാമവും ഭക്ഷണക്രമീകരണവും നിര്‍ബന്ധമാക്കുക. ആരോഗ്യമുള്ള മാതാപിതാക്കള്‍ക്കേ ആരോഗ്യമുള്ള കുഞ്ഞുണ്ടാകൂ.

മാതാപിതാക്കളുടെ ജീനുകളാണ് കുഞ്ഞിനും ലഭിക്കുന്നത്. അതുകൊണ്ട് കുഞ്ഞിന് വേണ്ട പ്ലാന്‍ ചെയ്യുമ്പോഴേ ഡോക്ടറെ കണ്ട് രോഗങ്ങള്‍ ഒന്നുമില്ലെന്ന് ഉറപ്പു വരുത്തണം. പാരമ്പര്യരോഗങ്ങളുള്ളവരാണെങ്കില്‍ പ്രത്യേകിച്ചും ഡോക്ടറെ കണ്ട് അഭിപ്രായം തേടേണ്ടത് അത്യാവശ്യമാണ്.

അച്ഛനാകാന്‍ മാനസികമായും ഒരുങ്ങുക. കുഞ്ഞിന്റെ ഉത്തരവാദത്വം അമ്മയ്ക്കും അച്ഛനും തുല്യമാണെന്നറിയുക. ഗര്‍ഭിണിയാകുന്ന ഭാര്യക്ക് കരുതലും ശ്രദ്ധയും കൊടുക്കാനാകണം. നല്ലൊരു ഭാര്‍ത്താവും അതോടൊപ്പം നല്ലൊരു അച്ഛനുമാകാന്‍ നല്ലൊരു കുടുംബത്തിന്റെ നെടുന്തൂണാകാന്‍ ശ്രമിക്കുക.