ഗര്‍ഭനിരോധന ഗുളിക ഫലം തരാതിരിക്കും

കോണ്‍ട്രാസെപ്റ്റീവ് പില്‍സുകള്‍ പല തരമുണ്ട്. സാധാരണ ഗതിയില്‍ തുടര്‍ച്ചയായി കഴിയ്‌ക്കേണ്ടവയുണ്ട്. ഇവ ഒരു ദിവസം കഴിയ്ക്കുവാന്‍ മറക്കുന്നത് സാധാരണം. ഇത് സാരമില്ല, എന്നു പറഞ്ഞ് തള്ളിക്കളയാനാവില്ല. ഒരു ദിവസം കഴിയ്ക്കാതിരികുന്നാല്‍ തന്നെ ഹോര്‍മോണ്‍ സന്തുലിതാവസ്ഥ ആകെ തകിടം മറയും. ഗര്‍ഭധാരണം സംഭവിക്കുകയും ചെയ്യും.

തോന്നിയ സമയത്ത് ഗുളിക കഴിയ്ക്കുന്നത് പ്രയോജനമില്ലാതാക്കും. ഗര്‍ഭനിരോധന ഗുളികകള്‍ എല്ലാ ദിവസവും ഒരേ സമയത്ത് തന്നെ കഴിയ്ക്കാന്‍ ശ്രദ്ധിക്കണം.

ഡോക്ടറുടെ നിര്‍ദേശപ്രകാരമല്ലാതെ തോന്നിയ ഗുളിക വാങ്ങിക്കഴിക്കുന്നതും ചിലപ്പോള്‍ ആഗ്രഹിക്കാത്ത ഗര്‍ഭധാരണത്തിന് വഴിയൊരുക്കും. പല തരം ഗുളികകളില്‍ അടങ്ങിയിരിക്കുന്ന ഹോര്‍മോണ്‍ തോതുകളും വ്യത്യസ്തമായിരിക്കും. ഒരാളുടെ ശരീരഭാരത്തിന് ചേര്‍ന്ന രീതിയില്‍ ഗുളിക നിര്‍ദേശിക്കാന്‍ ഡോക്ടര്‍ക്കേ സാധിക്കൂ.

ഗുളിക കഴിയ്ക്കുന്നതിന് തൊട്ടുമുന്‍പോ പിന്‍പോ മദ്യം കഴിയ്ക്കുന്നത് ഗുളികയുടെ ഫലം കുറയ്ക്കും. അതുകൊണ്ട് അരമണിക്കൂര്‍ നേരത്തെ ഇടവേളയെങ്കിലും മദ്യം കഴിയ്ക്കുവാന്‍ ഉണ്ടായിരിക്കണം.

ചില തരം ആന്റി ബയോട്ടിക് മരുന്നുകള്‍ കഴിച്ചാല്‍ കോണ്‍ട്രാസെപ്റ്റീവ് ഗുളികകളുടെ ഫലം ശരിയായി ലഭിച്ചില്ലെന്ന് വരും. മരുന്നിന്റെ ഉപയോഗം കഴിയുന്ന വരെയെങ്കിലും മറ്റ് ഗര്‍ഭനിരോധന ഉപാധികള്‍ സ്വീകരിക്കുന്നതായിരിക്കും നല്ലത്.

വയറിളക്കം, ഛര്‍ദി എന്നിവയും ഗുളിയുടെ ഫലം ഇല്ലാതാക്കും. ഇത്തരം വഴികളിലൂടെ ഗുളിക ശരീരത്തില്‍ നിന്ന് പുറന്തള്ളപ്പെടുകയാണ് ചെയ്യുക.