പോളിസിസ്റ്റിക് ഓവറിയുള്ളവര്‍ക്കും ഗര്‍ഭധാരണം

പോളിസിസ്റ്റിക് ഓവറി 18 വയസില്‍ താഴെയുള്ള പെണ്‍കുട്ടികളിലും കണ്ടുവരുന്നു. ഹോര്‍മോണ്‍ തകരാറ് കാരണമാണ് സിസ്റ്റ് വരുന്നത്. ഭക്ഷണത്തിലും ജീവിതരീതികളിലുമുള്ള പ്രശ്‌നങ്ങളാണ ്പ്രധാനമായും ഇതിന് കാരണമാകുന്നത്. കൊഴുപ്പു കൂടിയ ഇനം ഭക്ഷണങ്ങളും വ്യായാമമില്ലായ്മയും ഈ രോഗത്തിന്റെ പ്രധാന കാരണങ്ങളാണ്.

പോളിസിസ്റ്റിക് ഓവറിയുള്ളവരുടെ മാസമുറ ക്രമം തെറ്റിയതായിരിക്കും. അതുകൊണ്ടു തന്നെ അണ്ഡോല്‍പാദനവും കൃത്യമാകില്ല. അമിതവണ്ണവും ഇത്തരക്കാരില്‍ കാണാറുണ്ട്. അള്‍ട്രാ സോണോഗ്രാം ടെസ്റ്റ് വഴി ഈ രോഗം സ്ഥിരീകരിക്കാനാകും.

ഇത്തരം രോഗമുള്ളവര്‍ അനാരോഗ്യകരമായ ജീവിതരീതികളും ഭക്ഷണവും ഉപേക്ഷിക്കണം. ശരീരഭാരം ക്രമീകരിക്കുകയും വേണം. മദ്യം, പുകവലി തുടങ്ങിയവ ഉപേക്ഷിക്കണം. പോഷകഗുണമുള്ള ഭക്ഷണങ്ങള്‍ കഴിയ്ക്കണം. രാത്രി വൈകി കിടന്ന ഉച്ച വരെ ഉറങ്ങുന്ന ശീലവും വേണ്ട. വ്യായാമം പ്രധാനം തന്നെ.

സാധാരണ ഗതിയില്‍ പ്രൊജസ്‌ട്രോണ്‍ ഹോര്‍മോണ്‍ കുത്തിവയ്ക്കുകയാണ് ഈ പ്രശ്‌നത്തിന് ചെയ്യാറ്. മൂന്നു മാസങ്ങളിലായി കുത്തിവയ്പു നടത്തി മാസമുറ ക്രമമാക്കും.

പോളിസിസ്റ്റിക് ഓവറിയുടെ പ്രശ്‌നമുള്ളവര്‍ ഗര്‍ഭധാരണം അധികം വൈകിക്കാതിരിക്കുന്നതാണ് നല്ലത്.