പ്രസവവേദന കുറയ്ക്കാന്‍ ചില വഴികള്‍

ഗര്‍ഭപാത്രത്തിന്റെ സങ്കോചമാണ് പ്രസവസമയത്തെ വേദനക്കു കാരണം. ഈ സങ്കോചം കാരണമാണ് കുട്ടി പുറത്തേക്കു വരുന്നത്.

മാനസികമായി പ്രസവത്തെ അഭിമുഖീകരിക്കാന്‍ ഗര്‍ഭിണി തയ്യാറാകണം. ഇത് വേദന സഹിക്കാനുള്ള വലിയൊരു സഹായമാണ്. വയറ്റില്‍ മസാജ് ചെയ്യുക, ചൂടുവെള്ളത്തില്‍ കുൡുക എന്നിവ വേദന കുറയ്ക്കും.

പ്രസവസമയത്ത് ദീര്‍ഘമായി ശ്വാസോച്ഛാസം ചെയ്യുന്നത് പ്രസവവേദന കുറയ്്ക്കും.

വേണ്ടപ്പെട്ടവര്‍ അടുത്തുള്ളത് പ്രസവത്തിന്റെ സമയത്ത് വലിയൊരു ആശ്വാസമായിരിക്കും.

മരുന്നിന്റെ സഹായത്തോടെയും പ്രസവവേദന കുറയ്ക്കാം. അനാള്‍ജെസിസ്, അനസ്‌തേഷ്യ, പ്യൂഡെന്റല്‍ ബ്ലോക്ക്, സ്‌പൈനല്‍ അനസ്‌തേഷ്യ എന്നിവ ഇത്തരം മാര്‍ഗങ്ങളാണ്.

വേദന കുറയാനുള്ള മരുന്ന് കുത്തിവയ്ക്കുകയാണ് അനാള്‍ജെസിസില്‍ ചെയ്യുന്നത്. ഇത് വേദന പൂര്‍ണമായി മാറ്റിയില്ലെങ്കിലും വേദനയ്ക്ക് ആശ്വാസം നല്‍കും.

ഇടുപ്പിന് താഴെ മരവിപ്പിക്കുന്ന രീതിയുമുണ്ട്. ഇടുപ്പെല്ലിന് താഴെ കുത്തിവച്ചാണ് ഇത് സാധിക്കുന്നത്. ഇതും വേദന കുറയ്ക്കും.

സിസേറിയനുകളിലാണ് സാധാരണ സ്‌പൈനല്‍ അനസ്‌തേഷ്യ നല്‍കുക. ഇത് ശസ്ത്രക്രിയയുടെ വേദന അറിയാതിരിക്കാന്‍ സഹായിക്കുന്നു. ഈ രീതിയില്‍ ഗര്‍ഭിണി അബോധാവസ്ഥയിലാകുകയാണ് ചെയ്യുന്നത്.

പ്യൂഡെന്റല്‍ നാഡിയിലും യോനീഭാഗത്തും വേദന കുറയ്ക്കാന്‍ മരുന്നു കുത്തിവയ്ക്കുന്ന രീതിയാണ് പ്യൂഡെന്റല്‍ ബ്ലോക്ക് എന്നറിയപ്പെടുന്നത്.

ഇത്തരം വഴികള്‍ എല്ലായ്‌പ്പോഴും കുഞ്ഞിന്റെയും അമ്മയുടെയും ആരോഗ്യസ്ഥിതി കണക്കിലെടുത്തു മാത്രമെ ചെയ്യാറുള്ളൂ. ഇത് ചെയ്യുന്നത് പരിചയസമ്പന്നരായ ഡോക്ടര്‍മാരായിരിക്കുകയും വേണം.