ഗര്‍ഭിണികളിലെ കണങ്കാല്‍ വേദന കുറയ്ക്കാം

കുറേ നേരം നില്‍ക്കുന്നതും നടക്കുന്നതും ഒഴിവാക്കുക. കാലില്‍ ഭാരം വരുന്നത് കാല്‍വേദനയും നീരും ഉണ്ടാക്കും.

ചൂടുവെള്ളത്തില്‍ അരമണിക്കൂര്‍ കാല്‍ മുക്കി വയ്ക്കുന്നത് കാല്‍വേദന കുറയാന്‍ നല്ലതാണ്.

ഇടത് വശം തിരിഞ്ഞ് ഗര്‍ഭിണി കിടന്നുറങ്ങുന്നത് രക്തപ്രവാഹം വര്‍ദ്ധിപ്പിക്കുകയും കാല്‍വേദന കുറയ്ക്കുകയും ചെയ്യും. ഒരു നിലയില്‍ കുറേ നേരം കിടക്കുകയോ ഇരിക്കുകയോ ചെയ്യരുത്.

കാലില്‍ എന്തെങ്കിലും ക്രീമുകളോ എണ്ണയോ ഉപയോഗിച്ച് മസാജ് ചെയ്യുന്നത് കാല്‍വേദന കുറയ്ക്കും.

ഗര്‍ഭിണികള്‍ ഒരു കാരണവശാലും ഹൈഹീല്‍ഡ് ചെരിപ്പുകള്‍ ഉപയോഗിക്കരുത്. ഇത് കാല്‍വേദനക്കും നീരുവരാനും കാരണമാകും. നടക്കുമ്പോള്‍ ബാലന്‍സ് ലഭിക്കാനും ഹീലില്ലാത്ത ചെരിപ്പാണ് നല്ലത്.