ഗര്‍ഭം പുരുഷനും ഹോര്‍മോണ്‍ വ്യത്യാസമുണ്ടാക്കും

ക്യാനഡയിലെ ക്യൂന്‍സ് യൂണിവേഴ്‌സിറ്റി നടത്തിയ പഠനത്തിലാണ് പുരുഷനിലും ഗര്‍ഭകാല വ്യതിയാനങ്ങള്‍ ഉണ്ടാകുമെന്ന പഠനത്തിലൂടെ തെളിയിച്ചത്. ഭാര്യയുടെ ഗര്‍ഭകാലത്തും പ്രസവത്തിനും മുന്‍പും ഭര്‍ത്താവിന് ഹോര്‍മോണ്‍ വ്യതിയാനങ്ങള്‍ ഉണ്ടാകുന്നതായി ഇവര്‍ കണ്ടെത്തി.

പഠനം നടത്താനെടുത്ത പുരുഷന്മാരില്‍ പങ്കാളിയുടെ പ്രസവസമയം അടുത്തെത്തിയതോടെ പുരുഷഹോര്‍മോണായ ടെസ്‌റ്റോസ്റ്റിറോണിന്റെ സ്വാഭാവിക ഉല്‍പാദനം കുറയുകയും പ്രസവശേഷം ഇത് സാധാരണ ഗതിയിലാകുകയും ചെയ്തു. ഇവരില്‍ ഈ സമയം ഈസ്ട്രജന്‍ ഉല്‍പാദനം കൂടുതലും കോര്‍ട്ടിസോള്‍ ഉല്‍പാദനം കുറവുമായിരുന്നതായി തെളിഞ്ഞിട്ടുണ്ട്.

ഗര്‍ഭിണിയായിരിക്കെ സ്ത്രീകള്‍ കൂടുതല്‍ വണ്ണം വയ്ക്കുന്ന പ്രവണത കാണാറുണ്ട്. ചില പുരുഷന്മാരും പങ്കാളി ഗര്‍ഭിണിയാണെങ്കില്‍ വണ്ണം വയ്ക്കുന്നതായും പഠനങ്ങള്‍ കാണിക്കുന്നു.

കവേഡ് സിന്‍ഡ്രോം എന്ന പേരിലാണ് ഈ പ്രതിഭാസത്തെ ശാസ്ത്രജ്്ഞര്‍ വിളിക്കുന്നത്. മററുള്ളവരുടെ മുറിവോ വേദനയോ കാണുമ്പോള്‍ നമുക്കും ചിലപ്പോള്‍ വേദനയനുഭവപ്പെടാറുണ്ട്. ഇത്തരം ഒരു രീതിയാണ് പങ്കാളിയുടെ ഗര്‍ഭകാലത്ത് പുരുഷനിലുണ്ടാകുന്ന ഹോര്‍മോണ്‍ വ്യതിയാനത്തിന് അടിസ്ഥാനമായി പറയുന്നത്.