ആണ്‍കുഞ്ഞും പെണ്‍കുഞ്ഞും; ചില വിശ്വാസങ്ങള്‍

ജനിക്കാനിരിക്കുന്ന കുഞ്ഞ് ആണോ പെണ്ണോ എന്ന് മുന്‍കൂട്ടി പ്രവചിക്കാന്‍ നമ്മുടെ മുതുമുത്തശ്ശിമാരായിട്ട് കണ്ടെത്തിയിട്ടുള്ള ചില വഴികളുണ്ട്.

ഗര്‍ഭിണിയുടെ വയറ് മുകള്‍ഭാഗത്തേക്കാണ് കൂടുതല്‍ വീര്‍ത്തിരിക്കുന്നതെങ്കില്‍ പെണ്‍കുഞ്ഞും താഴ്ഭാഗമാണ് വീര്‍ത്തതെങ്കില്‍ ആണ്‍കുഞ്ഞുമായിരിക്കുമെന്നാണ് വിശ്വാസം.

ഗര്‍ഭകാലത്ത് മാറിടവലുപ്പം ക്രമാതീതമായി കൂടിയാല്‍ പെണ്‍കുഞ്ഞായിരിക്കുമത്രെ.

അമ്മയുടെ ഭക്ഷണം നോക്കിയും കുഞ്ഞിനെ നിശ്ചയിക്കാമത്രെ. ഗര്‍ഭകാലത്ത് മധുരത്തോടുള്ള ഇഷ്ടം പെണ്‍കുഞ്ഞിനെയാണ് കാണിക്കുന്നത്. പുളിയോട് ആഗ്രഹം തോന്നിയാല്‍ ആണ്‍കുഞ്ഞും. ചിക്കന്‍ കഴിക്കാന്‍ ആഗ്രഹം തോന്നിയാലും ആണ്‍കുഞ്ഞായിരിക്കുമത്രെ.

ഗര്‍ഭകാലത്ത് അമ്മക്ക് ശാന്തപ്രകൃതമാണെങ്കില്‍ പെണ്‍കുഞ്ഞും സന്തോഷവതിയും കൂടുതല്‍ ഉന്മേഷവതിയുമാണെങ്കില്‍ ആണ്‍കുഞ്ഞുമായിരിക്കും.

ഗര്‍ഭസമയത്ത് അമ്മയ്ക്ക് തലവേദനയുണ്ടെങ്കില്‍ ആണ്‍കുഞ്ഞായിരിക്കുമത്രെ. ആണ്‍കുഞ്ഞുങ്ങള്‍ തലവേദനയുണ്ടാക്കുമെന്ന ഏതോ വിശ്വാസത്തോട് കടപ്പാട്.

ഗര്‍ഭിണിയുടെ മൂത്രം നോക്കിയും കുഞ്ഞിന്റെ ലിംഗനിര്‍ണയം നടത്താമത്രെ. ഇളം മഞ്ഞ മൂത്രം ആണ്‍കുഞ്ഞിനെയും കടുനിറം പെണ്‍കുഞ്ഞിനെയും കാണിക്കുന്നു.

അമ്മയുടെ സൗന്ദര്യവും ലിംഗനിര്‍ണയത്തിനുള്ള വഴിയാണത്രെ. സാധാരണയേക്കാര്‍ സൗന്ദര്യം കുറഞ്ഞാല്‍ പെണ്‍കുഞ്ഞും സൗന്ദര്യം കൂടിയാല്‍ ആണ്‍കുഞ്ഞും എന്നു വിശ്വാസം. ചിലയിടങ്ങളില്‍ നേരെ മറിച്ചും.

ഇത്തരം കാര്യങ്ങളെല്ലാം ഒരു രസത്തിനു വേണ്ടി മാത്രമെ എടുക്കാനാവൂ എന്നതാണ് വാസ്തവം.