അബോര്‍ഷന്‍ ലക്ഷണങ്ങള്‍ തിരിച്ചറിയൂ

Published: Friday, November 18, 2011, 9:31 [IST]

അബോര്‍ഷന് പലവിധ കാരണങ്ങള്‍ പറയാറുണ്ട്. പുകവലി, മദ്യപാനം, ചിലതരം ഭക്ഷണങ്ങള്‍ കഴിയ്ക്കുന്നത്, ഗര്‍ഭനിരോധനഗുളികകള്‍ എന്നിവ ഗര്‍ഭഛിദ്രത്തിന് വഴിവയ്ക്കാറുണ്ട്. ക്രോമസോം, ജനിതക പ്രശ്‌നങ്ങള്‍ കാരണവും അബോര്‍ഷന്‍ നടക്കാറുണ്ട്. ഗര്‍ഭം ധരിച്ച് മൂന്നുമാസങ്ങള്‍ക്കുള്ളിലാണ് മിക്കവാറും അബോര്‍ഷനുകള്‍ നടക്കാറ്. ചിലപ്പോള്‍ ഗര്‍ഭിണിക്കുണ്ടാകുന്ന ബിപി, പ്രമേഹം, കിഡ്‌നി പ്രശ്‌നങ്ങള്‍ എന്നിവയും അബോര്‍ഷന് കാരണമാകാറുണ്ട്.

അബോര്‍ഷന്‍ സംഭവിക്കുന്നതിന്റെ പ്രധാന ലക്ഷണം രക്തസ്രാവമാണ്. ചിലപ്പോള്‍ ഇടയ്ക്കിടെയും മറ്റു ചിലപ്പോള്‍ തുടര്‍ച്ചയായും ബ്ലീഡിംഗ് ഉണ്ടാകാറുണ്ട്. ഗര്‍ഭിണിയായിരിക്കെ അടിവയറില്‍ വേദനയും നടുവേദനയും മറ്റുമുണ്ടെങ്കില്‍ ഇത് അബോര്‍ഷന്‍ സാധ്യതയായി കാണണം.

ചിലരില്‍ മാസമുറയുടെ ലക്ഷണങ്ങളായ കാല്‍കഴപ്പ്, വയറ്റില്‍ കനം തോന്നുക എന്നിവയും അബോര്‍ഷന്റെ ലക്ഷണങ്ങളാകാം.

വെള്ള, പിങ്ക് നിറത്തിലുള്ള ഡിസ്ചാര്‍ജ്, ഭാരം കുറയുക, മാറിടങ്ങള്‍ക്ക് ഉറപ്പു കൂടുക, മനം പിരട്ടുക തുടങ്ങിയവയും അബോര്‍ഷന്‍ ലക്ഷണങ്ങള്‍ തന്നെ.

രണ്ടുമൂന്നു മാസം മുതല്‍ കുഞ്ഞിന്റെ ചലനം വയറ്റില്‍ അനുഭവപ്പെട്ടുതുടങ്ങും. ഇത്തരം ചലനങ്ങള്‍ ഇല്ലാതിരുന്നാല്‍ അബോര്‍ഷനായെന്ന് മനസിലാക്കാം. കുഞ്ഞിന്റെ ഹൃദയമിടിപ്പ് പരിശോധിച്ചും കുഞ്ഞിന് ജീവനുണ്ടോയെന്നറിയാം.