ഗര്‍ഭകാലത്തെ മനംപുരട്ടല്‍ മാറ്റാം

ഇഞ്ചി ഛര്‍ദിക്കു മാത്രമല്ലാ, മനപുരട്ടല്‍ തടയുവാനും സഹായിക്കുന്ന മരുന്നാണ്. ഇഞ്ചി ചതച്ച് നീരെടുത്തോ അല്ലെങ്കില്‍ ഇഞ്ചിച്ചായ കുടിച്ചോ മനംപുരട്ടലില്‍ നിന്ന് ആശ്വാസം നേടാം. ഇഞ്ചി ചതച്ച് വെള്ളത്തിലിട്ട് തിളപ്പിച്ച് അതില്‍ പഞ്ചസാരയും നാരങ്ങാനീരും ചേര്‍ത്തും കുടിയ്ക്കാം.

ചെറുനാരങ്ങ മണക്കുന്നത് മനംപുരട്ടല്‍ വരാതിരിക്കാന്‍ നല്ലതാണ്. ചെറുനാരങ്ങ നീര് കുടിയ്ക്കുന്നതും നല്ലതുതന്നെ.

സമയാസമയത്ത് ഭക്ഷണം കഴിക്കുന്നതാണ് ആരോഗ്യമെങ്കിലും ഗര്‍ഭകാലത്ത് ഇത് തെറ്റിക്കേണ്ടി വരും. ഒഴിഞ്ഞ വയറും മനംപുരട്ടലുണ്ടാക്കും. അതുകൊണ്ട് ചെറുതായി ഇടയ്ക്കിടെ ഭക്ഷണം കഴിയ്ക്കുക.

വൈറ്റമിന്‍ ബി 6 ഗര്‍ഭകാലത്തെ മനംപുരട്ടല്‍ തടയുവാന്‍ നല്ലതാണ്. എന്നാല്‍ വൈറ്റമിന്‍ ഗുളിക ഡോക്ടറുടെ ഉപദേശപ്രകാരമല്ലാതെ കഴിയ്ക്കരുത്. ഗ്രീന്‍പീസ്, ശതാവരി, ബ്രൊക്കോളി, പയറുവര്‍ഗങ്ങള്‍, സോയാബീന്‍, ചിക്കന്‍ എന്നിവ വൈറ്റമിന്‍ ബി അടങ്ങിയ ഭക്ഷണസാധനങ്ങളാണ്.

പുതിനച്ചായ കുടിയ്ക്കുന്നതും മനംപുരട്ടല്‍ തടയുന്നു. പുതിന അടങ്ങിയ ഭക്ഷണസാധനങ്ങള്‍ കഴിയ്ക്കുന്നതും ഗര്‍ഭകാലത്തെ മനംപുരട്ടല്‍ ഒഴിവാക്കുവാന്‍ നല്ലതു തന്നെ.