പ്രഗ്നന്‍സി കിറ്റും ചില യാഥാര്‍ത്ഥ്യങ്ങളും

ഇവ 80 ശതമാനവും വിജയമാണെന്നാണ് തെളിഞ്ഞിട്ടുള്ളത്. പരിശോധനാ ഫലം കൃത്യമായി ലഭിക്കണമെങ്കില്‍ കൃത്യമായ രീതിയില്‍ തന്നെ ചെയ്യുകയും വേണം.

മിക്കവാറും പ്രഗ്നന്‍സി കിറ്റുകളില്‍ ഒരു പ്ലാസ്റ്റിക് സ്ട്രിപ്പുപയോഗിച്ചാണ് പരിശോധന നടത്തുന്നത്. ഇതില്‍ സി എന്നും ടി എന്നും അടയാളപ്പെടുത്തിയിരിക്കും. രാവിലെ ഉണര്‍ന്നെഴുന്നേറ്റാലുടനെ മൂത്രം ശേഖരിച്ചാണ് പരിശോധന നടത്തേണ്ടത്. സിയിലും ടിയിലും മൂത്രം ഒരോ തുള്ളി വീതം വയ്ക്കുക. സി പെട്ടെന്ന് തെളിഞ്ഞുവരും. ടിയും തെളിഞ്ഞുവരികയാണെങ്കില്‍ ഫലം പൊസറ്റീവ് ആണെന്നര്‍ത്ഥം. ചില സ്ട്രിപ്പുകളില്‍ പിങ്ക്, നീല ലൈനുകളാണ് സിക്കും ടിയ്ക്കും പകരം ഉപയോഗിക്കുന്നത്.

ഗര്‍ഭിണികളില്‍ എച്ച്‌സിജി എന്ന ഹോര്‍മോണ്‍ ഉല്‍പാദിപ്പിക്കപ്പെടുന്നുണ്ട്. മൂത്രത്തില്‍ ഇവയുടെ അംശമുണ്ടോയെന്നതിനെ അടിസ്ഥാനപ്പെടുത്തിയാണ് പ്രഗ്നന്‍സി കിറ്റുകള്‍ പ്രവര്‍ത്തിക്കുന്നത്. ചില സ്ട്രിപ്പുകള്‍ എച്ച്‌സിജി എത്ര കുറഞ്ഞ അളവിലാണെങ്കിലും തിരിച്ചറിയും. ഇത്തരം കിറ്റുകള്‍ വളരെ നല്ലവയാണെന്ന് പറയാം. ചിലപ്പോള്‍ ഗര്‍ഭത്തിന്റെ ആദ്യഘട്ടത്തില്‍ എച്ച്‌സിജി കാര്യമായിട്ടുണ്ടാകില്ല. ഇത്തരം അവസരങ്ങളില്‍ പ്രഗ്നന്‍സി കിറ്റുകള്‍ തെറ്റായ ഫലവും തരും.

സാധാരണ ഗതിയില്‍ ഗര്‍ഭിണിയല്ലെങ്കില്‍ നെഗറ്റീവ് റിസല്‍റ്റ് തന്നെയാണ് പ്രഗനന്‍സി കിറ്റുകള്‍ നല്‍കുക. എന്നാല്‍ അബോര്‍ഷന്‍ ഉണ്ടായ ഉടനെ ഇത്തരം പരിശോധന നടത്തിയാല്‍ ഒരുപക്ഷേ ഫലം പൊസറ്റീവ് എന്നു കാണിച്ചേക്കാം.

ഗര്‍ഭം ധരിച്ച് മൂന്നാഴ്ചകള്‍ക്കുള്ളില്‍ ശരിയായ ഫലം പ്രഗ്നന്‍സി കിറ്റുകള്‍ നല്‍കുമെന്നാണ് തെളിഞ്ഞിരിക്കുന്നത്.