മുട്ടയും മീനും ഗര്‍ഭിണി കഴിയ്ക്കുമ്പോള്‍..

സാധാരണ ഗതിയില്‍ മത്സ്യം ആരോഗ്യകരമായ ഒരു ഭക്ഷണമാണ്്. മത്സ്യങ്ങള്‍ മിക്കവാറും പുഴകളില്‍ നിന്നോ കുളങ്ങളില്‍ നിന്നോ ആകും. ഇവയില്‍ പലതരം മാലിന്യങ്ങളും രാസവസ്തുക്കളും ഉണ്ടാകാന്‍ ഇടയുണ്ട്. ഇവ മത്സ്യങ്ങള്‍ കഴിയ്ക്കുകയും ചെയ്യും. ഇത്തരം മത്സ്യങ്ങള്‍ കഴിയ്ക്കുന്നത് ഗര്‍ഭിണിയ്ക്ക് നല്ലതല്ല. ഉപ്പിട്ട് സൂക്ഷിച്ചിരിക്കുന്ന മത്സ്യങ്ങളും വാങ്ങാതിരിക്കുന്നതാണ് നല്ലത്. ഇവയിലും രാസവസ്തുക്കള്‍ അടങ്ങിയിട്ടുണ്ടാകും. ഇതിനു പുറമെ മിക്കവാറും ധാരാളം ഉപ്പിട്ടായിരിക്കും വരുന്നത്.

മുട്ടയും മീനും ഇറച്ചിയും നല്ലപോലെ പാചകം ചെയ്തു കഴിയ്ക്കുകയും വേണം. അല്ലെങ്കില്‍ ഇവയിലുള്ള ബാക്ടീരിയ അബോര്‍ഷന് വരെ കാരണമാകും. കോഴിയിറച്ചി, ടര്‍ക്കിയിറച്ചി എന്നിവയില്‍ സാല്‍മൊനെല്ല എന്ന പേരിലുള്ള ബാക്ടീരിയയുണ്ട്. പാല്‍ നല്ലപോലെ തിളപ്പിക്കാതെ കുടിച്ചാല്‍ ലിസ്റ്റീരിയ എന്ന പേരിലുള്ള ബാക്ടീരിയയുണ്ടാകും. ഇവ രണ്ടും അബോര്‍ഷന് വഴി വയ്ക്കുന്നവയാണ്.

പപ്പായ, പൈനാപ്പിള്‍ തുടങ്ങിയ പഴവര്‍ഗങ്ങളും ഗര്‍ഭകാലത്ത് കഴിയ്ക്കുവാന്‍ നല്ലതല്ല. ഇവ ശരീരോഷ്മാവ് കൂട്ടുന്നവയാണ്. ശരീരോഷ്മാവ് കൂടുന്നത് അബോര്‍ഷന് ഇട വരുത്തും.

പായ്ക്കറ്റുകളിലുള്ള ജ്യൂസുകള്‍ വാങ്ങുമ്പോള്‍ അവ പാസ്ച്വറൈസ് ചെയ്തതാണോ എന്ന് നോക്കി വാങ്ങുക. കഴിവതും ഇത്തരം ജ്യൂസുകള്‍ ഒഴിവാക്കി ഫ്രഷ് ജ്യൂസുകള്‍ കുടിയ്ക്കുന്നതാണ് നല്ലത്.

ഭക്ഷണം തെരഞ്ഞെടുക്കുന്നതില മാത്രമല്ല അവ കഴിയ്ക്കുന്ന വിധവും ശ്രദ്ധിയ്ക്കണം. നല്ലപോലെ കഴുകിവൃത്തിയാക്കിയ ശേഷമെ പച്ചക്കറികളും ഫലവര്‍ഗങ്ങളും കഴിയ്ക്കുവാന്‍ പാടുള്ളൂ. കാബേജ്, ചീര, കോളിഫഌവര്‍ തുടങ്ങിയവ ഉപ്പും മഞ്ഞള്‍പ്പൊടിയുമിട്ട ചൂടുവെള്ളത്തില്‍ ഇട്ടു വച്ച് ഉപയോഗിക്കുന്നതാണ ്‌നല്ലത്. ഇവയില്‍ പുഴുക്കളും ബാക്ടീരിയകളും പറ്റിപ്പിടിച്ചിരിക്കാന്‍ സാധ്യത കൂടുതലാണ്.