ഗര്‍ഭിണിയിലെ കാല്‍വേദന; കാരണം, പരിഹാരം

രാത്രിയിലാണ് കാല്‍വേദനയും മസില്‍ വേദനയും കൂടുതലാവുക. കിടക്കുന്ന സമയത്ത് അത്രസമയം ഭാരം താങ്ങിയിരുന്ന കാലിലെ മസിലുകള്‍ പെട്ടെന്ന് അയയുന്നു. അതാണ് രാത്രിയില്‍ കാല്‍വേദന കൂടുന്നതിന് കാരണം.

ഗര്‍ഭപാത്രം വികസിക്കുന്നതും കാലുവേദനയ്ക്ക് കാരണമാകുന്നുണ്ട്. ഗര്‍ഭപാത്രം വികസിക്കുമ്പോള്‍ സ്വാഭാവികമായും കാലുകളിലേക്കുള്ള രക്തധമനികള്‍ ചുരുങ്ങും. ഇത് കാലുകളിലേക്കുള്ള രക്തപ്രവാഹത്തെയും ബാധിക്കും. രക്തപ്രവാഹം കുറയുന്നത് കാല്‍വേദനയുണ്ടാക്കും.

മഗ്നീഷ്യം, കാല്‍സ്യം, പൊട്ടാസ്യം എന്നിവ കുറയുന്നതും കാല്‍വേദനയ്ക്ക് കാരണമാകും.

ഗര്‍ഭിണികള്‍ സോഡ, മാംസം, വറുത്ത സാധനങ്ങള്‍ എന്നിവ കഴിയ്ക്കുന്നതും കാല്‍വേദനയ്ക്ക് കാരണമായേക്കാം. ഇവയിലെ ഫോസ്ഫറസാണ് കാല്ൃ വേദനയുണ്ടാക്കുന്നത്.

കാലുകള്‍ക്കുള്ള ലളിതവ്യായാമങ്ങള്‍ വേദന കുറയ്ക്കും. ഉണര്‍ന്നെഴുന്നേല്‍ക്കുമ്പോഴും രാത്രി ഉറങ്ങുന്നതിന് മുന്‍പും കാലുകള്‍ നീട്ടുന്നതും നല്ലതാണ്. കാലുകള്‍ അധികനേരം വളച്ചു വച്ചിരിക്കരുത്. കാല്‍ ഒരേ നിലയില്‍ അധികനേരം വയ്ക്കരുത്.

ഉറങ്ങുന്നതിന് മുന്‍പ് കാല്‍ ചൂടുവെള്ളത്തില്‍ അല്‍പനേരം ഇറക്കിവയ്ക്കുന്നത് കാലവേദന കുറയ്ക്കും.

ദിവസവും അല്‍പനേരം നടക്കുന്നത് അമ്മയ്ക്കും കുഞ്ഞിനും നല്ലതാണ്. കാല്‍വേദന കുറയുവാന്‍ പറ്റിയ ലളിതമായ വ്യായാമം കൂടിയാണിത്.

പോഷകങ്ങളടങ്ങിയ ഭക്ഷണം കഴിയ്ക്കുകയും ധാരാളം വെള്ളം കുടിയ്ക്കുകയും വേണം.