മദ്യപാനം അബോര്‍ഷന്‍ സാധ്യത വര്‍ദ്ധിപ്പിക്കും

ഗര്‍ഭം ധരിച്ച് ആദ്യത്തെ മൂന്നു മാസങ്ങളില്‍ വെറും നാലഞ്ച് ഗ്ലാസ് മദ്യം കഴിച്ചാല്‍ തന്നെ ഗര്‍ഭം അലസാനുള്ള സാധ്യത കൂടും. അണ്ഡത്തെ സംരക്ഷിക്കുന്നത് സൈറ്റോപ്ലാസം എന്നൊരു ആവരണമാണ്. മദ്യം സൈറ്റോപ്ലാസത്തെ ദുര്‍ബലപ്പെടുത്തുകയും അങ്ങനെ അബോര്‍ന്‍ സാധ്യത വര്‍ദ്ധിപ്പിക്കുകയും ചെയ്യുന്നു.

അബോര്‍ഷനായില്ലെങ്കില്‍ തന്നെ മദ്യം ഗര്‍ഭസ്ഥ ശിശുവിന് മറ്റു പല ദോഷങ്ങളും വരുത്തുന്നുണ്ട്. ശാരീരിര, മാനസിക വൈകല്യങ്ങളും ശരിയായ പ്രവര്‍ത്തിക്കാത്ത നാഡീവ്യവസ്ഥയും കുഞ്ഞിന് മദ്യം കാരണം വരാവുന്ന പ്രശ്‌നങ്ങളാണ്. കുഞ്ഞിനെ മാത്രമല്ല, അമ്മയേയും മദ്യം ബാധിക്കും.

ഗര്‍ഭത്തിനു മാത്രമല്ലാ, പ്രത്യുല്‍പാദന ശേഷിക്കു കൂടി മദ്യപാനം ദോഷം ചെയ്യും. മദ്യപിക്കുന്ന സ്ത്രീകളില്‍ വന്ധ്യതയ്ക്കുള്ള സാധ്യത ഏറെയാണ്. അണ്ഡോല്‍പാദനത്തെയും അണ്ഡാശയത്തെയും മദ്യം ബാധിക്കും.

ആദ്യമൂന്നു മാസം കഴിഞ്ഞാല്‍ മദ്യപിച്ചാലും അബോര്‍ഷന്‍ നടക്കാനുള്ള സാധ്യത കുറവാണ്. പക്ഷേ മദ്യം ഗര്‍ഭസ്ഥ ശിശുവിനെ ബാധിക്കാനുള്ള സാധ്യതകള്‍ കുറവല്ല. അതുകൊണ്ട് ഗര്‍ഭിണിയാകുവാന്‍ തയ്യാറെടുക്കുമ്പോഴേ മദ്യം പൂര്‍ണമായും ഉപേക്ഷിക്കുന്നത് തന്നെയാണ് നല്ലത്.