സിസേറിയന്‍ കഴിഞ്ഞാല്‍ ലൈംഗിക ബന്ധം എപ്പോള്‍?

സമ്മര്‍ദ്ദം കൊടുക്കരുത്

സിസേറിയന് ശേഷം പല വിധത്തിലുള്ള പ്രശ്‌നങ്ങള്‍ നിങ്ങളില്‍ ഉണ്ടാവുന്നു. എന്നാല്‍ അധികം സമ്മര്‍ദ്ദം ശരീരത്തിന് കൊടുക്കാന്‍ ശ്രമിക്കരുത്. ഇത് മുറിവുണങ്ങാന്‍ പലപ്പോഴും താമസം വരുന്നതിന് കാരണമാകുന്നു.

മുറിവ് ഉണങ്ങാന്‍

സിസേറിയന് ശേഷമുള്ള മുറിവ് പെട്ടെന്ന് ഉണങ്ങുന്നതിനായി ഡോക്ടര്‍ തരുന്ന മരുന്ന് കഴിക്കാന്‍ ശ്രദ്ധിക്കണം. ഒരു കാരണവശാലും മുറിവ് ഉണക്കരുത്. മുറിവുണ്ടായ ഭാഗം ഈര്‍പ്പം തട്ടാതെ സംരക്ഷിക്കേണ്ടതാണ്.

ഭക്ഷണക്രമം

സിസേറിയന്‍ കഴിഞ്ഞാല്‍ കുറച്ചുദിവസം നിങ്ങളുടെ ഭക്ഷണക്രമം ശ്രദ്ധിക്കേണ്ടതാണ്. സിസേറിയനു മുന്‍പും ശേഷവും ഭക്ഷണ കാര്യത്തില്‍ നിങ്ങള്‍ ചില ബുദ്ധിമുട്ടുകള്‍ അനുഭവിക്കേണ്ടിവരുന്നതാണ. ഭക്ഷണത്തിന്റെ കാര്യത്തില്‍ അല്‍പം നിയന്ത്രണം വെക്കേണ്ടതും അത്യാവശ്യമാണ്.

ഭാരം എടുക്കാതിരിക്കുക

സിസേറിയന്‍ കഴിഞ്ഞ സാഹചര്യത്തില്‍ ഭാരമുള്ള വസ്തുക്കള്‍ എടുക്കാതിരിക്കുക. കാരണം ഇത് നിങ്ങളുടെ മുറിവുള്ള ഭാഗത്ത് കൂടുതല്‍ സമ്മര്‍ദ്ദം നല്‍കുന്നു. കുറച്ച് ആഴ്ചകള്‍ കഴിയാതെ നിങ്ങളുടെ ശരീരത്തിന് ഇത്തരത്തിലുളള യാതൊരു വിധ സമ്മര്‍ദ്ദങ്ങളും നല്‍കാന്‍ പാടില്ല. നിങ്ങളുടെ ആന്തരിക അവയവങ്ങളെയും ഇത് ദോഷമായി ബാധിച്ചേക്കാം.

സുഖപ്രദമായ രീതിയില്‍ ഉറങ്ങുക

ഉറക്കം വളരെ പ്രശ്‌നമുണ്ടാക്കുന്ന ഒന്നാണ്. അതുകൊണ്ട് തന്നെ ഉറങ്ങുമ്പോള്‍ മുറിവ് ഉണങ്ങുന്നതു വരെ ഒരു ഭാഗം ചരിഞ്ഞ് ഉറങ്ങേണ്ടതാണ്. ഇത് പെട്ടന്ന് മുറിവുണങ്ങാന്‍ സഹായിക്കുന്നതാണ്. കൂടാതെ നിങ്ങളുടെ ഉറക്കം സുഖപ്രദമായുള്ള മാര്‍ഗം നിങ്ങള്‍ തന്നെ കണ്ടെത്തേണ്ടതാണ്.

വ്യായാമം ചെയ്യാന്‍ തിടുക്കം വേണ്ട

ഗര്‍ഭാവസ്ഥയില്‍ ശരീരഭാരം വര്‍ദ്ധിക്കുന്നത് സാധാരണമാണ്. പ്രസവ ശേഷം ശരീരഭാരം കുറയാക്കാനുളള പ്രവര്‍ത്തനങ്ങള്‍ പെട്ടന്നുതന്നെ ആരംഭിക്കേണ്ട. ഇത് ശരീരത്തിന് കൂടുതല്‍ സമ്മര്‍ദ്ദം നല്‍കുന്നതാണ്. സിസേറിയന്‍ കഴിഞ്ഞ് മുറിവുകള്‍ ഉണങ്ങി ശരീരത്തിന് നല്ല റെസ്റ്റ് നല്‍കിയ ശേഷം മാത്രം വ്യായാമ മുറകള്‍ അഭ്യസിക്കുക. കുഞ്ഞിനെ എടുത്ത് നടക്കുന്നത് നിങ്ങളുടെ ശരീരത്തിന് നല്ല വ്യായാമമാണ്

വസ്ത്രധാരണം

സിസേറിയന്‍ കഴിഞ്ഞാല്‍ നിങ്ങളുടെ വസ്ത്രധാരണത്തിലും ശ്രദ്ധിക്കേണ്ടതാണ്. ഇറുങ്ങിയതും പരുക്കനുമായ വസ്ത്രങ്ങള്‍ ഉപയോഗിക്കാതിരിക്കുക. വൃത്തിയുള്ളതും സോഫ്റ്റ് ആയതുമായ വസ്ത്രങ്ങള്‍ ഉപയോഗിക്കുക. അല്ലെങ്കില്‍ അത് അണുബാധ ഉണ്ടാകുന്നതിന് സഹായിക്കുന്നു.

കുഞ്ഞിനടുത്ത് തന്നെ ഉറങ്ങുക

കുഞ്ഞിനെ തൊട്ടിലില്‍ കിടത്തി നിങ്ങള്‍ ബെഡിലോ മറ്റിടങ്ങളിലോ കിടക്കുന്നത് ഒഴിവാക്കുക. കഴിവതും കുഞ്ഞിനടുത്ത് തന്നെ കിടക്കുക. കാരണം ഇത് കുഞ്ഞിന് ഫീഡ് ചെയ്യാന്‍ നിങ്ങള്‍ ഇടയ്ക്കിടയ്ക്ക് എഴുന്നേല്‍ക്കേണ്ടിവരുന്ന പ്രയത്‌നം ഒഴിവാക്കുന്നതാണ്. കൂടുതല്‍ തവണ ഇങ്ങനെ ചെയ്യുന്നത് നിങ്ങളുടെ മുറിവുള്ള ഭാഗത്ത് സമ്മര്‍ദ്ദം ഉണ്ടാവുന്നതാണ്.

സെക്‌സ് ഒഴിവാക്കുക

സിസേറിയന്‍ കഴിഞ്ഞ് കുറച്ച് നാളുകള്‍ സെക്‌സ് ഒഴിവാക്കുക. ഡോക്ടര്‍ നിങ്ങളോട് 40 ദിവസം മുന്‍കരുതല്‍ എടുക്കണമെന്ന പറയുകയാണെങ്കില്‍ ആ ദിവസങ്ങളില്‍ തീര്‍ച്ചയായും സെക്‌സ് ഒഴിവാക്കുക. ഈ സമയത്ത് നിങ്ങള്‍ ആരോഗ്യകരമായി ഫിറ്റ് ആയിരിക്കില്ല. ഇത് നിങ്ങളുടെ ഭര്‍ത്താവുമായി സംസാരിച്ച് ഈ കാര്യത്തില്‍ നിങ്ങള്‍ക്കിടയില്‍ ഉണ്ടാവുന്ന തെറ്റിദ്ധാരണകള്‍ മാറ്റേണ്ടതാണ്.

മലബന്ധം

മലവിസര്‍ജനം നടത്തുമ്പോള്‍ കൂടുതല്‍ സമ്മര്‍ദ്ദം ചെലുത്താതിരിക്കാന്‍ ശ്രമിക്കുക. പ്രധാനമായും നിങ്ങളുടെ പ്രസവത്തിന് ശേഷം. ഇത് വളരെ അപകടകരമാണ്. മലബന്ധം ഒഴിവാക്കാന്‍ ആവശ്യത്തിന് വെള്ളം കുടിക്കുക കൂടാതെ ഭക്ഷണത്തിന്റെ കാര്യത്തിലും ശ്രദ്ധിക്കേണ്ടത് അത്യാവശ്യമാണ്.