പ്രായമാവേണ്ട, എങ്കില്‍ കുട്ടികളുടെ എണ്ണം കൂട്ടാം

പ്രായമാവാന്‍ ആര്‍ക്കും ഇഷ്ടമല്ല, ഒരുപാട് കാലം ആരോഗ്യത്തോടെ ജീവിയ്ക്കാനാണ് നമ്മുടെയെല്ലാം ആഗ്രഹം. എങ്കില്‍ കുട്ടികളുടെ എണ്ണം വര്‍ദ്ധിപ്പിക്കനാണ്‌ഗവേഷകരുടെ അഭിപ്രായം. എന്നാല്‍ ഇതൊന്നും വെറുതെ കളിയ്ക്ക് പറയുന്നതല്ല, അമ്മമാരുടെ ജനിതക ഘടനയും കുട്ടികളുടെ എണ്ണവും സൂക്ഷമമായി പഠനവിധേയമാക്കിയതിനു ശേഷമാണ് ഇത്തരമൊരു നിഗമനത്തില്‍ ഗവേഷകര്‍ എത്തിച്ചേര്‍ന്നിരിക്കുന്നത്.

കുട്ടികളുടെ എണ്ണം വര്‍ദ്ധിക്കുന്നതിനനുസരിച്ച് സ്ത്രീകളുടെ ശരീരത്തില്‍ വ്യത്യാസങ്ങള്‍ ഉണ്ടാകുന്നു. ഇതാണ് പലപ്പോഴും വാര്‍ദ്ധക്യത്തെ ഇവരില്‍ നിന്നും അകറ്റിനിര്‍ത്തുന്നതും. ഡി എന്‍ എയുടെ വശങ്ങളില്‍ കാണപ്പെടുന്ന ടീലോമിര്‍ എന്ന ഭാഗമാണ് കോശങ്ങളുടെ വാര്‍ദ്ധക്യം ചുരുക്കുന്നതും. ഇവയുടെ നീളം വര്‍ദ്ധിക്കുന്നതിനനുസരിച്ച് ഇത്തരത്തിലുള്ള കോശങ്ങളുടെ ആയുസ്സും വര്‍ദ്ധിക്കും. വിവിധ രാജ്യങ്ങളില്‍ നിന്നായി 75 സ്ത്രീകളിലാണ് ഇത്തരമൊരു പരീക്ഷണം നടത്തിയത്.

കുട്ടികള്‍ കൂടുതലുള്ള സ്ത്രീകള്‍ വയസ്സാവാത്തതിന്റെ രഹസ്യം ഇപ്പോള്‍ നിങ്ങള്‍ക്ക് മനസ്സിലായില്ലേ. കൂടുതല്‍ കുട്ടികളുള്ള സ്ത്രീകളില്‍ ടീലോമറിന്റെ നീളം കുറയുന്ന പ്രക്രിയ വളരെ സാവധാനമാണ് നടക്കുന്നതും. ഈസ്ട്രജന്റെ അളവ് വര്‍ദ്ധിക്കുന്നതാണ് ഇതിന്റെ മറ്റൊരു കാരണമെന്നാണ്‌ പറയുന്നത്.

പ്രായമാകുന്നതിനെതിരെ പ്രവര്‍ത്തിക്കുന്ന ആന്റി ഹോര്‍മോണാണ് ഈസ്ട്രജനും. എന്നാല്‍ ഇതിന് തിരിച്ചും ഒരു വശമുണ്ട്. കുട്ടികളുടെ എണ്ണം വര്‍ദ്ധിക്കുന്നതിനനുസരിച്ച് പെട്ടെന്ന് പ്രായമാകുമെന്നുമുള്ള ഒരു അഭിപ്രായവും നിലനില്‍ക്കുന്നുണ്ട്. അതുകൊണ്ടു തന്നെ കൃത്യമായ പഠനത്തിനു ശേഷം മാത്രമേ ഇക്കാര്യത്തില്‍ തീരുമാനമെടുക്കാന്‍ കഴിയൂ.