മുലയൂട്ടുന്ന അമ്മമാര്‍ ഇവ കഴിക്കരുത്

കാപ്പി

കാപ്പി കുടിക്കുന്നത് മുലപ്പാലിലേക്ക് കഫീന്‍ കലരുന്നതിന് കാരണമാകും. ഒരു നവജാത ശിശുവിന് തന്‍റെ ശരീരത്തിലെ കഫീന്‍ നശിപ്പിക്കാനാവില്ല. ഇത് കുഞ്ഞിന് അസ്വസ്ഥത അനുഭവപ്പെടാനും ഉറക്കം നഷ്ടമാകാനും ഇടയാക്കും.

ചില മരുന്നുകള്‍

അമ്മ ഉപയോഗിക്കുന്ന മിക്ക മരുന്നുകളും മുലപ്പാലില്‍ കലരുകയും കുഞ്ഞിലേക്ക് എത്തുകയും ചെയ്യും. ചില കുഞ്ഞുങ്ങളില്‍ പല്ലില്‍ കറുത്ത പാടുകളുള്ളത് നിങ്ങള്‍ കണ്ടിട്ടുണ്ടാവും. ഇത് അമ്മമാര്‍ കഴിക്കുന്ന മരുന്ന് കുഞ്ഞുങ്ങളിലെത്തുന്നത് വഴി സംഭവിക്കുന്നതാണ്. അമ്മമാര്‍ കഴിക്കുന്ന മരുന്നിന്‍റെ ദോഷഫലങ്ങള്‍ കുഞ്ഞിന്‍റെ ശരീരത്തിലും കാണപ്പെടാം.

മെര്‍ക്കുറി അടങ്ങിയ മത്സ്യങ്ങള്‍ -

മത്സ്യം ഫാറ്റി ആസിഡുകളും പ്രോട്ടീനുകളും അടങ്ങിയതാണ്. എന്നിരുന്നാലും മുലയൂട്ടുന്ന കാലത്ത് മത്സ്യം അമിതമായി കഴിക്കുന്നത് ഒഴിവാക്കണം. ചിലയിനം മത്സ്യങ്ങളിലെ മെര്‍ക്കുറി മുലപ്പാലിലേക്ക് പ്രവേശിക്കുകയും കുഞ്ഞിലേക്ക് എത്തുകയും ചെയ്യും. സ്രാവ്, അയല, ട്യൂണ, ശുദ്ധജല മത്സ്യങ്ങള്‍ എന്നിവ മെര്‍ക്കുറി കൂടുതലായി അടങ്ങിയവയാണ്.

മസാല അടങ്ങിയ ഭക്ഷണങ്ങള്‍

ഭക്ഷണങ്ങളിലടങ്ങിയ മസാലകള്‍ മുലപ്പാലിലൂടെ കുഞ്ഞിലേക്കെത്തും. ഇത് കുഞ്ഞിന്‍റെ ദഹനത്തെ തടസ്സപ്പെടുത്തുകയും, ഉദരത്തിലെ പ്രശ്നങ്ങള്‍ക്കും, ഛര്‍ദ്ദിക്കും കാരണമാവുകയും ചെയ്യും.

പാലുത്പന്നങ്ങള്‍

പാലും പാലുത്പന്നങ്ങളും പ്രോട്ടീന്‍ അടങ്ങിയതാണ്. മിക്ക കുഞ്ഞുങ്ങള്‍ക്കും ഇത് ദഹിപ്പിക്കാനുള്ള കഴിവില്ല. ചീസ്, യോഗര്‍ട്ട്, തുടങ്ങിയവ അമ്മമാര്‍ കഴിക്കുന്നത് പല കുഞ്ഞുങ്ങളിലും ഉദരസംബന്ധമായ പ്രശ്നങ്ങള്‍, ഗ്യാസ് ട്രബിള്‍, വയര്‍ വേദന തുടങ്ങിയവയ്ക്ക് ഇടയാക്കും. പ്രോട്ടീനുകള്‍ മുലപ്പാല്‍ വഴി കു‍ഞ്ഞിലേക്ക് എത്തുന്നതിനാലാണ് ഇത് സംഭവിക്കുന്നത്.