പ്രസവശേഷം മുടി കൊഴിയുന്നുവോ?

പ്രസവശേഷം

പ്രസവശേഷം മൂന്നു നാലു മാസങ്ങള്‍ കഴിയുമ്പോഴായിരിയ്ക്കും മുടി കൊഴിച്ചില്‍ തുടങ്ങുക. ഹോര്‍മോണ്‍ മാറ്റങ്ങളാണ ഇതിന് മുഖ്യ കാരണം.

ഹോര്‍മോണുകള്‍

പ്രസവശേഷവും കുറച്ചു സമയം കൂടി സ്ത്രീ ശരീരത്തില്‍ ഗര്‍ഭകാലത്തും പ്രസവസമയത്തുമുള്ള ഹോര്‍മോണുകള്‍ ഉണ്ടായിരിയ്ക്കും. എന്നാല്‍ അല്‍പസമയത്തിനു ശേഷം ഇത്തരം ഹോര്‍മോണുകള്‍ പോകും. ഇതാണ് മുടി കൊഴിയാന്‍ ഇട വരുത്തുന്നത്.

ഗര്‍ഭകാലത്ത്

സാധാരണയായി ദിവസവും 100ളം മുടികള്‍ കൊഴിയും. എന്നാല്‍ ഗര്‍ഭകാലത്ത് ഇത് കുറയും. ഇങ്ങനെ തലയില്‍ അവശേഷിയക്കുന്ന മുടികളാണ് അല്‍പം കഴിയുമ്പോള്‍ കൊഴിയുന്നത്.

കൊഴിഞ്ഞു പോകേണ്ട മുടി

ഇത്തരം മുടി കൊഴിച്ചില്‍ നിങ്ങള്‍ക്ക കഷണ്ടി പോലുള്ള പ്രശ്‌നങ്ങള്‍ വരുത്തില്ലെന്നു തിരിച്ചറിയുക. സാധാരണ ഗതിയില്‍ കൊഴിഞ്ഞു പോകേണ്ട മുടികളാണ് കൊഴിയുന്നത്.

ഉറക്കക്കുറവ്

പ്രസവശേഷം ഉറക്കക്കുറവ് പതിവാണ്. കുഞ്ഞു കരയുന്നതും രാത്രിയില്‍ മുലയൂട്ടുന്നതുമെല്ലാമാണ് കാരണം. ഇതും മുടികൊഴിച്ചിലിനു കാരണമാകുന്നു.

സ്‌ട്രെസ്

പ്രസവശേഷം അമ്മമാര്‍ക്ക് സ്‌ട്രെസ് ഉണ്ടാകുന്നത് സാധാരണമാണ്. ഇതും മുടി കൊഴിയാനുള്ള ഒരു കാരണമാണ്.

പോഷകങ്ങള്‍

പ്രസവത്തിലും മുലയൂട്ടലിലുമായി അമ്മയുടെ ശരീരത്തില്‍ നിന്നും ധാരാളം പോഷകങ്ങള്‍ നഷ്ടപ്പെടുന്നുണ്ട്. ഇത്തരം പോഷകങ്ങളുടെ കുറവ് മുടികൊഴിച്ചിലിനുള്ള ഒരു കാരണമാണ്.

പഴയ അവസ്ഥ

ഗര്‍ഭധാരണത്തിനു മുന്‍പ് നിങ്ങള്‍ക്ക് എത്ര മുടിയുണ്ടായിരുന്നുവോ അതേ അവസ്ഥയിലേയ്ക്ക് നിങ്ങള്‍ തിരിച്ചു പോകുന്നത് സാധാരണമാണ്.

പരിഹാരങ്ങള്‍

നല്ല ഭക്ഷണം, ഉറക്കം, സ്‌ട്രെസ് ഒഴിവാക്കുക, മുടി സംരക്ഷണം തുടങ്ങിയ വഴികളിലൂടെ മുടികൊഴിച്ചില്‍ ഒരു പരിധി വരെ നിയന്ത്രിയ്ക്കാനാകും.