പ്രസവശേഷമുള്ള ശാരീരികപ്രശ്നങ്ങള്‍

കുറെ ദിവസങ്ങളിലേക്ക് സ്തനങ്ങളില്‍ വേദനയുണ്ടാകാം. പാല്‍ നിപ്പിളിലേക്ക് വരുന്ന സമയത്ത് വേദന അനുഭവപ്പെടും.

പ്രസവശേഷം അര്‍ശസ്, വേദനയുള്ള പേശികള്‍, പ്രസവസമയത്ത് ഉണ്ടാക്കിയ ഗര്‍ഭാശയമുഖത്തെ മുറിവ് എന്നിവ മലബന്ധത്തിന് കാരണമാകാം.

കുട്ടി പ്രസവസമയത്ത് പുറത്തേക്ക് വരാന്‍ പ്രയാസമായാല്‍ യോനിക്കും മലദ്വാരത്തിനും ഇടയില്‍ പെരിനിയം എന്ന ഭാഗത്ത് ഡോക്ടര്‍മാര്‍ ഒരു മുറിവ് ഉണ്ടാക്കാറുണ്ട്. ഇവിടെയിടുന്ന തുന്നല്‍ പിന്നീട് നടക്കുമ്പോളും മറ്റും വേദന ഉണ്ടാക്കും. പ്രസവശേഷം ചുമയോ, തുമ്മലോ ഉണ്ടായാലും വേദന വരും.

ഗര്‍ഭകാലത്ത് മൂലക്കുരു ഉണ്ടാകുന്നത് സാധാരണമാണ്. വയറിലുണ്ടാകുന്ന ഭാരത്തിന്‍റെ ഫലമായി മലദ്വാരത്തിലെ രക്തക്കുഴലുകള്‍ പുറത്തേക്ക് വരുന്നതാണ് ഈ അവസ്ഥ.

ശരീരത്തിലെ ഹോര്‍മോണ്‍ വ്യതിയാനങ്ങളും, രക്ത ചംക്രമണത്തിലെ മാറ്റവും മൂലം ശരീരത്തിലെ താപനിലയില്‍ ഏറ്റക്കുറച്ചിലുകളുണ്ടാക്കാം.

പ്രസവസമയത്തെ പേശികളുടെ വലിച്ചിലിന്‍റെ ഫലമായി ചിരിക്കുമ്പോഴും, ചുമയ്ക്കുമ്പോഴും മൂത്രം താനെ പുറത്ത് പോകുന്ന അവസ്ഥ വരാം. പേശികള്‍ അയഞ്ഞ് പോകുന്നതിനാലാണ് ഇത് സംഭവിക്കുന്നത്. സ്വഭാവിക രീതിയിലുള്ള പ്രസവത്തിലാണ് ഇത് കൂടുതലായി കാണുന്നത്.

പ്രസവശേഷവും ഏതാനും ദിവസത്തേക്ക് ഗര്‍ഭപാത്രത്തില്‍ സങ്കോചം അനുഭവപ്പെടാം. ബ്ലീഡിങ്ങിന് മരുന്ന് കഴിക്കുമ്പോഴും, കുട്ടിയെ ശുശ്രൂഷിക്കുമ്പോഴുമാണ് ഇത് കൂടുതലും സംഭവിക്കുക.

മാസമുറക്കാലത്തേക്കാള്‍ കൂടുതലായി ഇടക്കിടക്ക് കട്ടപിടിച്ച രക്തവും, വെള്ളയോ മഞ്ഞ നിറത്തിലോ ഉള്ള സ്രവങ്ങളും വന്നുകൊണ്ടിരിക്കും. ഇത് ഏതാനും ആഴ്ചത്തേക്ക് നീണ്ടുനില്‍ക്കും.

പ്രസശേഷമുള്ള ശരീരഭാരം പന്ത്രണ്ടോ പതിമൂന്നോ പൗണ്ട് ഉണ്ടാവും. ( പ്ലാസെന്‍റ, അംനിയോട്ടിക് ഫ്ലൂയിഡ് എന്നിവ അടക്കം)ശരീരത്തിലെ വെള്ളത്തിന്‍റെ അംശം കുറയുന്നതോടെ ഒരാഴ്ചകൊണ്ട് ശരീരഭാരം സാധാരണ നിലയിലേക്കെത്തും.