പ്രസവശേഷമുള്ള തടി കുറയ്ക്കാന്‍ ഡയറ്റ് ടിപ്‌സ്

ക്രാഷ് ഡയറ്റ്‌

ക്രാഷ് ഡയറ്റെടുത്ത് തടി കുറയ്ക്കാന്‍ പ്രസവശേഷം ശ്രമിയ്ക്കരുത്. ഇത് ആരോഗ്യത്തിന് ദോഷം ചെയ്യും.

വ്യായാമം

കഠിനമായ വ്യായാമങ്ങളും ഈ സമയത്തു ദോഷം ചെയ്യും. പ്രത്യേകിച്ച് സിസേറിയന്‍ കഴിഞ്ഞവരെങ്കില്‍. യോഗ പോലുള്ളവ ചെയ്യുന്നതാണ് കൂടുതല്‍ ഗുണകരം. പ്രത്യേകിച്ച് തടി കുറയ്ക്കുവാന്‍ മാത്രമല്ല, ഡിപ്രഷന്‍, ക്ഷീണം തുടങ്ങിയ പ്രശ്‌നങ്ങള്‍ ഒഴിവാക്കാനും ഇത് സഹായിക്കും.

തടി കുറയ്ക്കുവാന്‍

പൊടുന്നനെ തടി കുറയ്ക്കാതെ അല്‍പാല്‍പമായി തടി കുറയ്ക്കുവാന്‍ ശ്രദ്ധിയ്ക്കുക.

വെള്ളം

ധാരാളം വെള്ളം കുടിയ്ക്കുക. ശരീരത്തിലെ കൊഴുപ്പും വിഷാംശങ്ങളും നീക്കം ചെയ്യാനും അപചയപ്രക്രിയകള്‍ ശക്തിപ്പെടുത്താനും ഇത് സഹായിക്കും.

മോണോ, പോളിസാച്വറേറ്റഡ് ഫാറ്റുകള്‍

മോണോ, പോളിസാച്വറേറ്റഡ് ഫാറ്റുകള്‍ ശരീരത്തിന് ആരോഗ്യകരമാണ്. ബട്ടര്‍ ഫ്രൂട്ട്, ഒലീവ് ഓയില്‍, സാല്‍മണ്‍ തുടങ്ങിയവ ഭക്ഷണത്തില്‍ ഉള്‍പ്പെടുത്തുക.

ഇലക്കറികള്‍

ഇലക്കറികള്‍ കഴിയ്ക്കുക. ഇതിലെ ഫൈബര്‍ ദഹനപ്രക്രിയകള്‍ ശക്തിപ്പെടുത്താന്‍ സഹായിക്കും. ശരീരത്തിന് ആവശ്യമുള്ള ധാരാളം പോഷകങ്ങള്‍ ഇതില്‍ അടങ്ങിയിട്ടുമുണ്ട്.

കൊഴുപ്പു കുറഞ്ഞ പാല്‍

കൊഴുപ്പു കുറഞ്ഞ പാല്‍ ആഹാരശീലങ്ങളിലുള്‍പ്പെടുത്തുക. പ്രത്യേകിച്ചും മുലയൂട്ടുന്ന അമ്മമാര്‍. ഇതിലെ കാല്‍സ്യം, അയേണ്‍ തുടങ്ങിയവ ഗുണം ചെയ്യും.

ചെറുനാരങ്ങ

ചെറുചൂടുവെള്ളത്തില്‍ തേന്‍, ചെറുനാരങ്ങ എന്നിവ കലര്‍ത്തി കുടിയ്ക്കുന്നത് ഗുണം ചെയ്യും. ഇത് ശരീരത്തിലെ വിഷാംശവും കൊഴുപ്പും പുറന്തള്ളാന്‍ സഹായിക്കും.

ബെറികള്‍

ഭക്ഷണത്തില്‍ ബെറികള്‍ ഉള്‍പ്പെടുത്തുന്നതും നല്ലതാണ്. തടി കൂട്ടാതെ തന്നെ ശരീരത്തിന് ആവശ്യമായ പോഷകങ്ങള്‍ ലഭിയ്ക്കുവാന്‍ ഇത് സഹായിക്കും.