പ്രസവശേഷം കഴിയ്‌ക്കേണ്ട ഭക്ഷണങ്ങള്‍

By Saritha

Published: Wednesday, March 6, 2013, 12:50 [IST]

പ്രസവശേഷം കുഞ്ഞുങ്ങള്‍ക്കു മാത്രമല്ല, അമ്മമാര്‍ക്കും ശ്രദ്ധയാവശ്യമാണ്. പ്രസവശുശ്രൂഷയെന്നു പറയും. പ്രസവം അമ്മയുടെ ശരീരത്തില്‍ ഏല്‍പ്പിച്ച ക്ഷീണം തീര്‍ക്കുക, മുലപ്പാല്‍ ഉണ്ടാവുക തുടങ്ങിയ ഉദ്ദേശങ്ങളാണ് ഇതിനു പുറകില്‍.

പ്രസവശേഷം ആയുര്‍വേദ ശുശ്രൂഷകള്‍ക്കാണ് മലയാളികള്‍ കൂടുതല്‍ ശ്രദ്ധ നല്‍കാറ്. ഇതിനു പുറമെ പ്രസവശേഷം അമ്മമാര്‍ കഴിച്ചിരിക്കേണ്ട ചില ഭക്ഷണങ്ങളുണ്ട്.

പ്രസവശേഷം കഴിയ്‌ക്കേണ്ട ഭക്ഷണങ്ങള്‍

നെയ്യ് ഇത്തരത്തിലുള്ള ഒരു ഭക്ഷണമാണ്. നെയ്യ് കഴിയ്ക്കുന്നത് പ്രസവം ഏല്‍പ്പിച്ച ക്ഷീണം മാറാന്‍ മാത്രമല്ല, ശരീരത്തിന് ഊര്‍ജം നല്‍കാനും വളരെ പ്രധാനമാണ്.

പ്രസവശേഷം കഴിയ്‌ക്കേണ്ട ഭക്ഷണങ്ങള്‍

ഉലുവയിലയും ഇത്തരത്തിലുള്ളൊരു ഭക്ഷണമാണ്. പ്രസവസമയത്ത് അമ്മയുടെ ശരീരത്തില്‍ നിന്നും ധാരാളം ധാതുക്കള്‍ നഷ്ടപ്പെടുന്നുണ്ട്. ഇവയില്‍ വൈറ്റമിന്‍ കെ വളരെ പ്രധാനമാണ്. ഉലുവയിലയില്‍ ധാരാളം വൈറ്റമിന്‍ കെ അടങ്ങിയിട്ടുണ്ട്.

പ്രസവശേഷം കഴിയ്‌ക്കേണ്ട ഭക്ഷണങ്ങള്‍

പേരയ്ക്കയില്‍ ധാരാളം ഇരുമ്പടങ്ങിയിട്ടുണ്ട്. പ്രസവത്തില്‍ വരുന്ന രക്തനഷ്ടം നികത്താന്‍ ഇത് സഹായിക്കും.

പ്രസവശേഷം കഴിയ്‌ക്കേണ്ട ഭക്ഷണങ്ങള്‍

പാലും പാലുല്‍പന്നങ്ങളും പ്രസവശേഷം കഴിയ്‌ക്കേണ്ടത് അത്യാവശ്യം. കാരണം കുഞ്ഞിനെ മുലയൂട്ടുമ്പോള്‍ അമ്മയുടെ ശരീരത്തില്‍ നിന്നും ധാരാളം കാല്‍സ്യം നഷ്ടപ്പെടുന്നുണ്ട്. ഇതിനുള്ള പരിഹാരമാണ് കാല്‍സ്യം.

പ്രസവശേഷം കഴിയ്‌ക്കേണ്ട ഭക്ഷണങ്ങള്‍

പാവയ്ക്ക ഹോര്‍മോണ്‍ പ്രശ്‌നങ്ങള്‍ മാറുന്നതിനു സഹായിക്കും. ഗര്‍ഭകാലവും പ്രസവവും സ്ത്രീയുടെ ശരീരത്തിലുണ്ടാക്കുന്ന ഹോര്‍മോണ്‍ അസന്തുലിതാവസ്ഥ പരിഹരിക്കാന്‍ ഇത് സഹായിക്കും.