പ്രസവശേഷം വാട്ടര്‍ വെയ്റ്റ്!

Published: Friday, May 25, 2012, 15:51 [IST]

ഗര്‍ഭകാലത്തും പ്രസവത്തോടനുബന്ധിച്ചും സ്ത്രീകള്‍ക്ക് തടി കൂടുന്നത് സാധാരണം. പ്രസവശേഷവും ചില സ്ത്രീകളില്‍ വണ്ണം കൂടുതല്‍ കാണപ്പെടാം. ഇതിന് കാരണം കൊഴുപ്പു തന്നെ ആകണമെന്നില്ല. വാട്ടര്‍ വെയ്റ്റ് എന്നൊരു പ്രത്യേക അവസ്ഥ കൊണ്ടും സ്ത്രീകള്‍ക്ക് കൂടുതല്‍ തടി തോന്നാം.

ഗര്‍ഭകാലത്ത് സ്ത്രീ ശരീരത്തില്‍ കൂടുതല്‍ വെള്ളം ശേഖരിക്കപ്പെടുന്നത് സ്വാഭാവികം. ഇതാണ് വാട്ടര്‍ വെയ്റ്റിന് വഴി വയ്ക്കുന്നത്. ശരീരം വീര്‍ത്തതു പോലുള്ള അവസ്ഥയാണ് വാട്ടര്‍ വെയ്്റ്റ് കൊണ്ടുണ്ടാകുന്നത്.

വാട്ടര്‍ വെയ്റ്റ് കുറയ്ക്കാന്‍ പല വഴികളുമുണ്ട്. ഇതില്‍ പ്രധാനം മുലയൂട്ടലാണ്. മുലയൂട്ടലിലൂടെ ശരീരത്തിലെ അധിക വെള്ളവും കൊഴുപ്പും നഷ്ടപ്പെടും.

കൂടുതല്‍ പ്രാവശ്യം ടോയ്‌ലറ്റില്‍ പോകുന്നതും മൂത്രമൊഴിക്കുന്നതും വാട്ടര്‍ വെയ്റ്റ് കുറയ്ക്കാന്‍ സഹായിക്കും. തുളസി, ചായ, കാപ്പി, നാരുകള്‍ കലര്‍ന്ന ഭക്ഷണം എന്നിവ ഗുണം ചെയ്യും.

ഉപ്പു കുറയ്ക്കുക. സോഡിയം ശരീരത്തില്‍ വെള്ളം തങ്ങി നില്‍ക്കാന്‍ വഴിയുണ്ടാക്കും. ദിവസം 1500മില്ലീഗ്രാമില്‍ കൂടുതല്‍ ഉപ്പ് യാതൊരു കാരണവശാലും കഴിയ്ക്കരുത്.

ധാരാളം വെള്ളം കുടിയ്ക്കുക. കേള്‍ക്കുമ്പോള്‍ അബദ്ധമെന്ന് തോന്നുമെങ്കിലും വെള്ളം കുടിയ്ക്കുന്നതും വാട്ടര്‍ വെയ്റ്റ് കുറയ്ക്കാന്‍ സഹായിക്കും.

വ്യായാമവും വാട്ടര്‍ വെയ്റ്റ് കുറയ്ക്കാന്‍ സഹായിക്കും. നടക്കുന്നതും നീന്തുന്നതും നല്ല വ്യായാമങ്ങളാണ്.

ശരീരമാകെ ആവി കൊള്ളുന്നതും വാട്ടര്‍വെയ്റ്റ് കുറയ്ക്കും. ശരീരത്തിലെ വെള്ളം ഇതുവഴി നഷ്ടപ്പെടുകയാണ് ചെയ്യുന്നത്യ