പ്രസവശേഷം അമിതവിയര്‍പ്പ് സാധാരണം

ഗര്‍ഭിണിയായിരിക്കെ ശരീരം കൂടുതല്‍ വെള്ളം സംഭരിച്ചു വച്ചിരിക്കും. ഇത് പുറത്തുകളയാനുള്ള ഒരു മാര്‍ഗമാണ് വിയര്‍പ്പ്. ചില ഹോര്‍മോണ്‍ വ്യത്യാസങ്ങളും അമിതവിയര്‍പ്പിന് കാരണമാകുന്നുണ്ട്.

പ്രസവശേഷം അല്‍പം നാളത്തേക്ക് ഇടയ്ക്കിടെ മൂത്രശങ്കയുണ്ടാകുന്നതും സാധാരണം. ഇതും ശരീരത്തിലെ അധികജലം പുറത്തു കളയാനുള്ള വഴിയാണ്.

കൂടുതല്‍ തവണ മൂത്രമൊഴിക്കേണ്ടി വരുന്നുവെന്ന കാരണത്താല്‍ വെള്ളം കുടിയ്ക്കുന്നത് കുറയ്ക്കരുത്. ആവശ്യത്തിന് വെള്ളം ശരീരത്തിന് ലഭിച്ചില്ലെങ്കില്‍ മൂത്രാണുബാധയടക്കമുള്ള പല പ്രശ്‌നങ്ങളും ഉണ്ടാകും. മുലപ്പാല്‍ ഉല്‍പാദനത്തിനും വെള്ളം അത്യാവശ്യമാണ്.

ചിലരില്‍ അമിതവിയര്‍പ്പ് തൈറോയ്ഡ് ഗ്ലാന്റിന്റെ പ്രശ്‌നം കാരണവുമാകും. പ്രസവശേഷം രണ്ടോ മൂന്നോ മാസം കഴിഞ്ഞിട്ടും ഈ പ്രശ്‌നമുണ്ടെങ്കില്‍ ഡോക്ടറെ കാണുന്നത് നന്നായിരിക്കും.