പ്രസവശേഷവും ഗര്‍ഭ'ഭാരം'

വയറായിരിക്കും പ്രധാന പ്രശ്‌നം. ഇത് വാട്ടര്‍ വെയ്റ്റ് കൊണ്ടു കൂടിയാണ്. ഗര്‍ഭകാലത്തെ ഹോര്‍മോണ്‍ വ്യതിയാനങ്ങള്‍ കാരണം ശരീരം കൂടുതല്‍ വെള്ളം സംഭരിക്കുന്നുണ്ട്. ഇത് മുഴുവന്‍ പ്രസവസമയത്ത് പുറത്തുപോകണമെന്നില്ല. ഈ വെള്ളം വയറിന്റെ വലുപ്പത്തിനും കാരണമാകും. ഈ പ്രശ്‌നം അല്‍പനാളുകള്‍ക്കുള്ളില്‍ തനിയെ പരിഹരിക്കപ്പെടും.

കുഞ്ഞിന്റെ വലുപ്പമനുസരിച്ച് ഗര്‍ഭപാത്രവും വലുതായിട്ടുണ്ടാകും. അത് സ്വാഭാവിക രീതിയിലേക്കു നാലഞ്ച് ആഴ്ചകളെങ്കിലുമെടുക്കും. എന്നാല്‍ ഗര്‍ഭിണിയായതിന് മുന്‍പുള്ള അത്ര ചെറുതാകുകയുമില്ല. യൂട്രസിന്റെ വലിപ്പവ്യത്യാസവും വയറിന്റെ തടി കൂടുതല്‍ തോന്നാന്‍ കാരണമാകും.

പ്രസവശേഷം ആകെയുള്ള ഭാരത്തില്‍ നിന്ന് കുഞ്ഞിന്റെ ഭാരം കുറയും. എന്നാലിത് അമ്മയുടെ ശരീരഭാരവും തടിയും കുറയ്ക്കില്ല. ഇതിന് സമയമെടുക്കും. ഈ തടി കുറയ്ക്കണമെങ്കില്‍ ഭക്ഷണക്രമീകരണവും വ്യായാമവും പ്രധാനം.

പ്രസവം സിസേറിയനായിരുന്നെങ്കില്‍ വയര്‍ കൂടുതലുണ്ടാകും. ഇത് കുറയണമെങ്കില്‍ വ്യായാമം പ്രധാനം. എന്നാല്‍ സിസേറിയന് ശേഷം പെട്ടെന്ന് തന്നെ ബുദ്ധിമുട്ടേറിയ വ്യായാമങ്ങള്‍ ചെയ്യുന്നത് നല്ലതല്ല.

പ്രസവശേഷം ശരീരഭംഗി വീണ്ടെടുക്കണമെങ്കില്‍ അല്‍പം കാത്തിരിക്കേണ്ടി വരുമെന്ന് ചുരുക്കം.