സിസേറിയന്‍ വയര്‍ കുറയ്ക്കാം

സിസേറിയന്‍ ചെയ്യുമ്പോള്‍ വയര്‍ മുറിയ്ക്കുന്നതു വഴി ചര്‍മത്തിനടിയിലെ കൊഴുപ്പ് പുറത്തോട്ടു വരുന്നു. ശസ്ത്രക്രിയ കഴിഞ്ഞാലും വയറിന് ചുറ്റും ഈ കൊഴുപ്പോ പോകാതെ നില്‍ക്കും.

ഇത്തരം വയറ് കുറയ്ക്കുവാന്‍ ഭക്ഷണക്രമവും വ്യയാമവും പ്രധാനമാണ്. എന്നാല്‍ സിസേറിയന്‍ കഴിഞ്ഞ ഉടന്‍ ഭക്ഷണക്രമീകരണം വരുത്തുന്നത് നന്നായിരിക്കില്ല. കുഞ്ഞിന് മുലയൂട്ടുമ്പോഴും സിസേറിയന്‍ വഴിയും ആരോഗ്യം കുറയുകയാണ് ചെയ്യുന്നത്. ആവശ്യത്തിനുള്ള ഭക്ഷണവും വിശ്രമവും കൊണ്ട് സാധാരണ രീതിയിലേക്ക് തിരിച്ചെത്തിയ ശേഷം ഡയറ്റിംഗ് ചെയ്യുകയാണ് ഉത്തമം. പോഷകഗുണമുള്ള ഭക്ഷണങ്ങള്‍ ധാരാളം കഴിക്കണം.

സിസേറിയന് ശേഷം ഉടന്‍ തന്നെ വ്യായാമം ചെയ്യാന്‍ പറ്റിയ ശാരീരിക അവസ്ഥയായിരിക്കില്ല. സിസേറിയന്‍ കഴിഞ്ഞ് ചുരുങ്ങിയത് രണ്ടു മാസമെങ്കിലും കഴിഞ്ഞേ വ്യായാമം ചെയ്യാവൂ. കഠിനമായ വ്യായാമമുറകള്‍ ആദ്യം ചെയ്യരുത്. ശ്വസനക്രിയകള്‍ ആദ്യം ചെയ്ത് പിന്നീട് ദേഹമിളകുന്ന വിധത്തിലുള്ള വ്യായാമത്തിലേക്ക് കടക്കണം. വയറിലെ മസിലുകള്‍ക്ക് അധികം ആയാസം കൊടുക്കുന്ന വിധത്തിലുള്ള വ്യായാമങ്ങള്‍ ചെയ്യരുത്. യോഗ, ചെറിയ രീതിയിലുള്ള ഏറോബിക്‌സ് എന്നിവയും നല്ലതാണ്.

സിസേറിയന്‍ കഴിഞ്ഞവര്‍ക്ക് വയര്‍ കുറയ്ക്കുവാന്‍ സഹായിക്കുന്ന ബെല്‍റ്റ് ലഭിക്കും. ഇത് വയറിലെ മാംസപേശികള്‍ താഴോട്ട് തൂങ്ങുന്നത് തടയും.