സിസേറിയന്‍ കഴിഞ്ഞ് ഗര്‍ഭിണിയാകാന്‍ ഇടവേള നല്ലത്

സിസേറിയന്‍ കഴിഞ്ഞ് ചുരുങ്ങിയത് ഒന്നര, രണ്ടു വര്‍ഷമെങ്കിലും കഴിഞ്ഞ് ഗര്‍ഭിണിയാകുന്നതാണ് നല്ലത്. ആദ്യത്തെ ശസ്ത്രക്രിയയുടെ മുറിപ്പാടുകല്‍ ഉണങ്ങാന്‍ അത്രയെങ്കിലും സമയം കൊടുക്കുന്നത് നല്ലതാണ്.

ആദ്യപ്രസവം സിസേറിയനാണെങ്കില്‍ രണ്ടാമതും സിസേറിയന് സാധ്യത കൂടുതലാണ്. എന്നാല്‍ സാധാരണ പ്രസവവും ചിലരിലെങ്കിലും നടക്കാറുണ്ട്. ചിലര്‍ക്ക് കുട്ടിയുടെ വലിപ്പം കാരണമോ കുട്ടിയുടെ സ്ഥാനം ശരിയല്ലാത്തതു കാരണമോ ആയിരിക്കും സിസേറിയന്‍ നടത്തുന്നത്. ഇത്തരക്കാര്‍ക്ക് രണ്ടാമത്തെ സുഖപ്രസവമാകാന്‍ സാധ്യതയുണ്ട്. സുഖപ്രസവമാണ് രണ്ടാമത്തേതെങ്കില്‍ ആദ്യപ്രസവത്തിലെ സിസേറിയന്‍ മുറിവുകള്‍ക്ക് പ്രശ്‌നമൊന്നും വരാതെ നോക്കേണ്ടത് അത്യാവശ്യമാണ്. അതുകൊണ്ട് ആദ്യത്തെ സിസേറിയന്‍ കഴിഞ്ഞ് രണ്ടാമത് വേഗം ഗര്‍ഭിണിയാകുകയാണെങ്കില്‍ സിസേറിയന്‍ തന്നെയായിരിക്കും കൂടുതല്‍ സുരക്ഷിതം.

സിസേറിയന്റെ മുറിവുകള്‍ ഉണങ്ങാനുള്ള സമയം പലരിലും പലവിധമാണ്. സിസേറിയന്‍ കഴിഞ്ഞവര്‍ ഗര്‍ഭിണിയാകും മുന്‍പെ ഡോക്ടറുടെ ഉപദേശം തേടുന്നത് നന്നായിരിക്കും.

എല്ലാത്തിലും പ്രധാനം ഗര്‍ഭിണിയാകുന്ന സ്ത്രീയുടെ മാനസിക നില തന്നെയാണ്. രണ്ടാമതും ഒരു സിസേറിയന് സ്ത്രീ തയ്യാറല്ലെങ്കിലും സുഖപ്രസവത്തിനുള്ള സാധ്യത കുറവാണെങ്കിലും അല്‍പമെങ്കിലും സമയം കഴിഞ്ഞ് ഗര്‍ഭം ധരിക്കുന്നതാണ് നല്ലത്.