പ്രസവശേഷം മുടികൊഴിച്ചില്‍; പരിഹാരങ്ങള്‍

ഈ അവസ്ഥ സ്ഥിരമായിട്ടുള്ളതല്ല. പ്രസവശേഷമുളള മുടികൊഴിച്ചിലിന് കാരണങ്ങളും പരിഹാരങ്ങളുമുണ്ട്.

പ്രസവശേഷം ശരീരത്തിലെ ഈസ്ട്രജന്‍ എന്ന ഹോര്‍മോണ്‍ അളവില്‍ വ്യത്യാസംവരുന്നു. ഇതാണ് മുടി കൊഴിയാനുള്ള പ്രധാനകാരണം. കുറച്ചു ദിവസങ്ങള്‍ കഴിഞ്ഞാന്‍ ഇതു തനിയെ മാറും. ഇതേക്കുറിച്ച് ആധി പിടിക്കാതിരിക്കുകയാണ് ആദ്യം വേണ്ടത്.

നല്ല ഭക്ഷണം കഴിക്കുന്നത് മുടികൊഴിച്ചില്‍ തടയാനും പുതിയ മുടിയുണ്ടാകാനും സഹായിക്കും. ബയോട്ടിന്‍, സിലിക, കാല്‍സ്യം, സിങ്ക് തുടങ്ങിയ വൈററമിനുകള്‍ മുടികൊഴിച്ചില്‍ തടയാന്‍ സഹായകമാണ്. മീന്‍, മീനെണ്ണ, അവോകാഡോ, ഫഌക്‌സ സീഡ് എന്നിവ മുടി വളര്‍ച്ചക്കു പറ്റിയ ഭക്ഷണങ്ങളാണ്.

മുടി എപ്പോഴും നനയ്ക്കുകയും ചീകുകയും ചെയ്യരുത്. നനഞ്ഞ മുടി ചീകുന്നത് ഒഴിവാക്കണം. ഇങ്ങനെ ചെയ്താല്‍ മുടി ജടപിടിച്ച് പൊട്ടിപ്പോകാന്‍ സാധ്യതയുണ്ട്.

തലയോടിലും മുടിയിലും ഇളംചൂടുളള വെള്ളിച്ചെണ്ണ പുരട്ടി മസാജ് ചെയ്യുന്നത് മുടിവളര്‍ച്ചയെ ത്വരിതപ്പെടുത്തും.

മുടിക്ക് നിറം നല്‍കുന്നതും ജെല്ലുകള്‍ ഉപയോഗിക്കുന്നതും കട്ടിയുള്ള ക്രീമുകള്‍ തലയില്‍ പുരട്ടുന്നതും ഒഴിവാക്കുക. അത് തലയിലെ മുടി വളരുന്ന ചെറിയ സുഷിരങ്ങളെ അടയ്ക്കും.

ഷാംപൂ, കണ്ടീഷണര്‍ എന്നിവയുടെ ഉപയോഗം കുറച്ച് പ്രകൃതിദത്ത മാര്‍ഗങ്ങളായ ചെമ്പരത്തി താളി, വെള്ളിലതാളി, ഉലുവ എന്നിവ മുടി കഴുകുവാന്‍ ഉപയോഗിക്കുന്നത് നല്ലതാണ്.

പ്രസവശേഷം, സ്ത്രീ, മുടി, കൊഴിയുക, കാരണം, പരിഹാരം, ഭക്ഷണം, ഈസ്ട്രജന്‍, വൈററമിന്‍, ബയോട്ടിന്‍, സിലിക, കാല്‍സ്യം, സിങ്ക്, മീന്‍, മീനെണ്ണ, അവോകാഡോ, ഫഌക്‌സ സീഡ്, മസാജ്, ജെല്‍