പ്രസവശേഷം തടി കുറയ്ക്കാന്‍ വ്യായാമം നല്ലത്

ആദ്യമായി ഡയറ്റില്‍ ചെയ്യേണ്ട കാര്യം ചോറ് കുറയ്ക്കുകയാണ്. പകരം ചപ്പാത്തിയാകാം. എന്നാല്‍ ഇതും നിശ്ചിത എണ്ണത്തേക്കാള്‍ കൂടുതലായാല്‍ ബുദ്ധിമുട്ടാകും. ഉച്ച ഭക്ഷണത്തിനും രാത്രിയിലും മൂന്ന് ചപ്പാത്തിയേക്കാള്‍ കൂടുതല്‍ വേണ്ട. പിന്നെയും വിശപ്പു തോന്നിയാല്‍ പച്ചക്കറികളും പഴവര്‍ഗങ്ങളും കഴിയ്ക്കാവുന്നതേയുള്ളൂ.

ശരീരത്തിന്റെ പ്രവര്‍ത്തനങ്ങള്‍ സാധാരണ ഗതിയിലാകാന്‍ ഏറ്റവും നല്ലത് കുറച്ചു വീതം ഭക്ഷണം കഴിയ്ക്കുന്നതാണ്. മൂന്നു നേരം മൂക്കുമുട്ടെ കഴിയ്ക്കുന്നതിന് പകരം അഞ്ചു നേരം കുറേശെ വീതം കഴിയ്ക്കുക. കൊഴുപ്പടിയുകയുമില്ല, ദഹനം ശരിയായി നടക്കുകയും ചെയ്യും.

പ്രസവത്തോടനുബന്ധിച്ച് ഗര്‍ഭിണിക്ക് ധാരാളം രക്തം നഷ്ടപ്പെടുന്നുണ്ട്. ഇത് വിളര്‍ച്ചയിലേക്ക് മാറാതിക്കാന്‍ ഇലക്കറികളും മുട്ട, പാല്‍ എന്നിവയും കഴിയ്്ക്കുക.

പ്രോട്ടീന്‍ ധാരാളം ഭക്ഷണത്തില്‍ ഉള്‍പ്പെടുത്തുക. ഇത് ശരീരത്തിലെ കൊഴുപ്പിനെ ഊര്‍ജമാക്കി മാറ്റാന്‍ സഹായിക്കും.

ദഹനക്കുറവ് ചിലരില്‍ ഗര്‍ഭാനന്തരം പതിവാണ്. നാരുകളടങ്ങിയ ഭക്ഷണമാണ് ഇതിനുള്ള പരിഹാരം.

ഗര്‍ഭശേഷം എണ്ണയില്‍ ഉണ്ടാക്കുന്ന ഭക്ഷണങ്ങളും ടിന്നിലെ ആഹാരവും വാങ്ങാതിരിക്കുക. ഇത് കൊഴുപ്പു കൂട്ടാനേ ഉപകരിക്കൂ.

അധികം ആയാസമില്ലാത്ത വ്യായാമങ്ങള്‍ ചെയ്യുന്നത് നല്ലതാണ്.