മുലപ്പാല്‍ കുപ്പിയില്‍ സൂക്ഷിമ്പോള്‍ ശ്രദ്ധിക്കുക

Post Natal

oi-Saritha

By Veena

Published: Monday, October 31, 2011, 13:00 [IST]

കുഞ്ഞിന്റെ മുലകുടി മാറുന്നതിന് മുന്‍പ് ജോലിക്കു പോകേണ്ടി വരുന്ന അമ്മമാരുണ്ട്. മുലപ്പാല്‍ കൊടുക്കേണ്ടത് കുഞ്ഞിന്റെ വളര്‍ച്ചയ്ക്ക് ഏറെ അത്യാവശ്യമായതു കൊണ്ട് ചിലരെങ്കിലും മുലപ്പാല്‍ കുപ്പിയില്‍ എടുത്തു വച്ചിട്ടാണ് ജോലിക്കു പോകുന്നത്. പാല്‍ ശേഖരിച്ചു വയ്ക്കുമ്പോള്‍ അല്‍പം അശ്രദ്ധ വന്നാല്‍ അമൃതെന്ന വിശേഷണമുള്ള മുലപ്പാല്‍ വിഷമായി മാറുവാനുള്ള സാധ്യതയും തള്ളിക്കളയാനാവില്ല.

സാധാരണ പാല്‍ക്കുപ്പിയിലാണ് പാല്‍ ശേഖരിച്ചു വയ്ക്കാണ്. പാല്‍ക്കുപ്പിയില്‍ നിന്ന് കുഞ്ഞിന് പാല്‍ വലിച്ചുകുടിയ്്ക്കുവാന്‍ കഴിവുണ്ടെങ്കിലേ ഇങ്ങിനെ ചെയ്തിട്ട് കാര്യമുള്ളൂ.

മുലപ്പാല്‍ ശേഖരിച്ചു വച്ച് നാലഞ്ചു മണിക്കൂറിനുള്ളില്‍ കുഞ്ഞിന് കൊടുത്തുതീര്‍ക്കുകയും വേണം. മുലപ്പാലെടുത്ത ഉടനെ തന്നെ കുപ്പിയിലേക്ക് മാറ്റി അടച്ചു സൂക്ഷിക്കുക.

ഫ്രീസറില്‍ വച്ചാല്‍ മൂന്നുമാസം വരെ പാല്‍ കേടുകൂടാതെ ഇരിക്കുമെന്നാണ് പറയുന്നത്. എന്നാല്‍ ഇത് ആരോഗ്യകരമല്ല. മൂന്നു ദിവസം മുതല്‍ ഒരാഴ്ച വരെ മുലപ്പാല്‍ സാധാരണയായി റഫ്രിജറേറ്ററില്‍ വയ്ക്കാം. ഒരു തവണ ഉപയോഗിച്ചാല്‍ ഈ പാല്‍ പിന്നീട് എടുത്തുവച്ച് വീണ്ടും കുഞ്ഞിന് കൊടുക്കരുത്. ഫ്രിഡ്ജില്‍ നിന്ന് എടുത്ത പാലില്‍ ഇളംചൂടുളള വെള്ളമൊഴിച്ച് ഉപയോഗിക്കാം. അല്ലാതെ പാല്‍ അവനില്‍ വച്ച് ചൂടാക്കുകയോ തിളച്ച വെള്ളം നേരെ പാലിലേക്കൊഴിക്കുകയോ ചെയ്യരുത്. ഫ്രിഡ്ജില്‍ വച്ച മുലപ്പാലിന്റെ നിറം ചെറുതായി മാറുന്നത് സ്വാഭാവികമാണ്. കഴിവതും മുലപ്പാല്‍ ഫ്രിഡ്ജില്‍ വച്ച് ഉപയോഗിക്കാതിരിക്കുകയാണ് നല്ലത്.

മുലപ്പാല്‍ ശേഖരിക്കാനുള്ള കുപ്പി ചൂടുവെള്ളമൊഴിച്ച് കഴുകി വൃത്തിയായി സൂക്ഷിക്കണം. ഇതില്‍ മറ്റൊരു സാധനങ്ങളും സൂക്ഷിക്കരുത്.