കുട്ടികളിലെ മൂത്രത്തില്‍ പഴുപ്പ് നിസ്സാരമാക്കേണ്ട

ഒരു വയസ്സിനു ശേഷം

കുട്ടികളില്‍ പൊകുവേ ഒരു വയസ്സിനു ശേഷമാണ് മൂത്രത്തില്‍ പഴുപ്പ് കാണുക. പ്രത്യേകിച്ച് പെണ്‍കുട്ടികളില്‍. ബാക്ടീരിയയാണ് ഇതിന് പ്രധാന കാരണവും.

ശുചിത്വത്തില്‍ ശ്രദ്ധ നല്‍കുക

പ്രധാനമായും ശുചിത്വ കാര്യത്തില്‍ ശ്രദ്ധ കൂടുതല്‍ നല്‍കേണ്ടത് മാതാപിതാക്കളാണ്. കുട്ടികളെ എപ്പോഴും വൃത്തിയായി സംരക്ഷിക്കാന്‍ മാതാപിതാക്കള്‍ ശ്രദ്ധിക്കണം.

ലക്ഷണങ്ങള്‍

പനി, ഛര്‍ദ്ദി, അടിവയറ്റില്‍ വേദന തുടങ്ങിയവയാണ് പ്രധാന ലക്ഷണങ്ങള്‍. എന്നാല്‍ ചെറിയ കുട്ടികളില്‍ ഈ ലക്ഷണങ്ങള്‍ തിരിച്ചറിയാന്‍ ബുദ്ധിമുട്ടായിരിക്കും.

ഡയപ്പര്‍ ഉപയോഗിക്കുമ്പോള്‍

കുട്ടികളില്‍ ദീര്‍ഘനേരം ഡയപ്പര്‍ ഉപയോഗിക്കുമ്പോള്‍ ഈ പ്രശ്‌നം വളരെ കൂടുതലായിരിക്കും. അതുകൊണ്ട് തന്നെ ഡയപ്പര്‍ ഇടയ്ക്കിടയ്ക്ക് മാറ്റുകയോ അല്ലെങ്കില്‍ ഡയപ്പര്‍ ധരിപ്പിക്കാതിരിയ്ക്കുകയോ ചെയ്യണം.

അയഞ്ഞ വസ്ത്രങ്ങള്‍ ധരിപ്പിക്കാം

കുട്ടികളെ ഇറുകിയ വസ്ത്രങ്ങള്‍ ധരിപ്പിക്കരുത്. എപ്പോഴും അയഞ്ഞ വസ്ത്രങ്ങള്‍ വേണം വേനല്‍ക്കാലത്ത് ധരിപ്പിക്കാന്‍.

വെള്ളം ധാരാളം

വെള്ളം ധാരാളം നല്‍കണം. ആവശ്യത്തിന് വെള്ളം നല്‍കാത്തതാണ് പലപ്പോഴും ഇത്തരം അവസ്ഥകള്‍ക്ക് പിന്നിലെ പ്രധാന കാരണം.

കൃത്യമായ ചികിത്സ

രോഗം സ്ഥിരീകരിച്ച് കഴിഞ്ഞാല്‍ കുട്ടികള്‍ക്ക് കൃത്യമായ ചികിത്സ നല്‍കേണ്ടത് അത്യാവശ്യമാണ്. ഡോക്ടറുടെ നിര്‍ദ്ദേശ പ്രകാരം ഭക്ഷണവും മറ്റും നല്‍കാന്‍ ശ്രദ്ധിക്കുക.