നിങ്ങള്‍ ഒരു മോശം രക്ഷിതാവാണോ?

നിരാശ

തങ്ങളുടെ കുട്ടികളുടെ പ്രവൃത്തികളെ പരിഗണിക്കാതിരിക്കുകയും കുട്ടികളുടെ കഠിനമായ പരിശ്രമങ്ങളെ അവഗണിക്കുകയും ചെയ്യുന്ന മാതാപിതാക്കളുണ്ട്. അവയുടെ ഫലം എന്തായാലും നിങ്ങളുടെ കുട്ടിയെ പ്രോത്സാഹിപ്പിക്കേണ്ടതാണ്. അത് വഴി അവര്‍ക്ക് അഭിനന്ദിക്കപ്പെട്ടതായി തോന്നുകയും കൂടുതല്‍ പരിശ്രമങ്ങള്‍ നടത്തുകയും ചെയ്യും.

നിയന്ത്രണം

ചില മാതാപിതാക്കള്‍ തങ്ങളുടെ കുട്ടികളെ മറ്റ് കുട്ടികള്‍ക്കൊപ്പം കളിക്കാനും, അവരിഷ്ടപ്പെടുന്ന ആഹാരം കഴിക്കാനും അനുവദിക്കാതിരിക്കുന്നത് നിങ്ങള്‍ കണ്ടിട്ടുണ്ടാവും. എല്ലാത്തിന്‍റെയും സൗന്ദര്യം കണ്ടെത്തുവാന്‍ നിങ്ങളുടെ കുട്ടിയെ അനുവദിക്കുക. അതുവഴി അവന്‍/അവള്‍ നല്ലതും ചീത്തയും തമ്മില്‍ വേര്‍തിരിച്ചറിയും. പ്രകൃതിയാണ് ഏറ്റവും നല്ല ഗുരു എന്ന കാര്യം ഓര്‍മ്മിക്കുക.

അഭിപ്രായം ചോദിക്കാതിരിക്കുക

വീട്ടിലെ അനുദിന കാര്യങ്ങളില്‍ കുട്ടിയെയും ഉള്‍പ്പെടുത്തുകയും വീട്ടുകാര്യങ്ങളില്‍ കുട്ടിയുടെ അഭിപ്രായം ചോദിക്കുകയും ചെയ്യുക. അവര്‍ക്ക് പ്രായം കുറവായതിനാല്‍ കുട്ടികളോട് അഭിപ്രായം ചോദിക്കുന്നത് ചില മാതാപിതാക്കള്‍ക്ക് തമാശയായി തോന്നാം. എന്നാല്‍ അവരോട് അഭിപ്രായം ചോദിക്കുന്നത് തങ്ങള്‍ പ്രാധാന്യമുള്ളവരാണെന്ന് തോന്നാനും അവരില്‍ ഉത്തരവാദിത്വം രൂപപ്പെടാനും സഹായിക്കും.

സൗഹൃദം

രക്ഷിതാക്കളാവുക എന്നതിന്‍റെ അര്‍ത്ഥം ഏത് സമയത്തും കുട്ടികളോട് കര്‍ശനമായി ഇടപെടുക എന്നല്ല. നിങ്ങളുടെ കുട്ടിക്കാലത്ത് സുഹൃത്തുക്കളോട് സംസാരിച്ചിരുന്നത് പോലെ അവരോട് സംസാരിക്കുക. ഇത് അവരില്‍ ആത്മവിശ്വാസം വളര്‍ത്താന്‍ സഹായിക്കും. നിങ്ങളുടെ പ്രശ്നങ്ങള്‍ പോലും അവരുമായി ചര്‍ച്ച ചെയ്യാവുന്നതും അതിശയകരമായ വിധത്തില്‍ പരിഹാരങ്ങള്‍ കണ്ടെത്താനാവുകയും ചെയ്യും.

വിമര്‍ശനം

പലരും തങ്ങളുടെ കുട്ടികളെ അവര്‍ക്ക് മനസിലാകില്ല എന്ന് വിചാരിച്ച് പരിഹസിക്കാറുണ്ട്. മാതാപിതാക്കള്‍ ഈ നിലയിലേക്ക് താഴുന്നതും കുട്ടികള്‍ക്ക് അസ്വസ്ഥതയുണ്ടാക്കുന്നതും ദയനീയമായ അവസ്ഥയാണ്. ഇത്തരം അനുഭവങ്ങള്‍ നിങ്ങളുടെ കുട്ടിയുടെ തലച്ചോറില്‍ നെഗറ്റീവായ ആഘാതമുണ്ടാക്കുകയും വളരുമ്പോള്‍ തങ്ങളുടെ ചിന്തകള്‍ പങ്കുവെയ്ക്കുന്നതിന് ഭയപ്പെടുകയും ചെയ്യും.

കുട്ടികളുടെ മുന്നിലുള്ള വഴക്ക്

മോശം മാതാപിതാക്കള്‍ ചെയ്യുന്ന ഒരു കാര്യമാണിത്. നിങ്ങളുടെ കുട്ടികളുടെ മുന്നില്‍ വെച്ച് വഴക്കുണ്ടാക്കുന്നത് നല്ല കാര്യമല്ല. കുട്ടികളുടേത് ലോലമായ മനസാണ്. സന്തുഷ്ട ജീവിതം നയിക്കുന്ന ദമ്പതികള്‍ ആണെങ്കില്‍ പോലും തങ്ങളുടെ മാതാപിതാക്കള്‍ കലഹിക്കുന്നവരാണെന്ന തോന്നല്‍ അവര്‍ക്കുണ്ടാവുകയും അത്തരത്തിലുള്ള അക്രമം, വളരുമ്പോള്‍ അവരുടെയും ജീവിതത്തിന്‍റെ ഭാഗമാവുകയും ചെയ്യും.