ചായ കുടിച്ചാല്‍ കുട്ടി പൊക്കം വയ്ക്കില്ല??

ചായ, കാപ്പി ശീലങ്ങള്‍ പലര്‍ക്കും ഒഴിച്ചു കൂടാനാവാത്ത ഒന്നാണ്. എന്നാല്‍ കുട്ടികളുടെ കാര്യം വരുമ്പോള്‍ ഈ ശീലത്തില്‍ നിന്നും നാം പലരും പിന്‍മാറുകയും ചെയ്യും.

കാരണം കുട്ടികളുടെ ആരോഗ്യക്കാര്യത്തില്‍ നമ്മളെല്ലാവരും ഏറെ ശ്രദ്ധാലുക്കളാണെന്നതു കൊണ്ടുതന്നെ.

ചായയുടെ കാര്യവും ഇങ്ങനെ തന്നെ. മുതിര്‍ന്നു കഴിഞ്ഞാല്‍ കുട്ടികള്‍ക്കു ചായ നല്‍കുന്ന കാര്യത്തില്‍ നമുക്കത്ര മടിയുണ്ടാകില്ല. എന്നാല്‍ കുട്ടി, അതായത് 4-10 വയസു വരെ ഇവര്‍ക്കു ചായ കൊടുക്കാമോയെന്ന കാര്യത്തില്‍ പലര്‍ക്കും സംശയമുണ്ടാകും.

കുട്ടികള്‍ക്കു ചായ നല്‍കുന്നത് ഇവരുടെ വളര്‍ച്ചയെ, പ്രത്യേകിച്ചും എല്ലുകളുടെ വളര്‍ച്ചയെ ദോഷകരമായി ബാധിയ്ക്കും. കാരണം ചായയിലെ ഒരു ഘടകം കാല്‍സ്യം വലിച്ചെടുക്കാനുള്ള ശരീരത്തിന്റെ കഴിവിനെ ബാധിയ്ക്കുന്നു. ഇത് കുട്ടികള്‍ ഉയരം വയ്ക്കുന്നതടക്കമുള്ള ഘടകങ്ങളെ തടയും.

ചായ കുട്ടികള്‍ കുടിയ്ക്കുമ്പോള്‍ ഇത് ഇവരുടെ തലച്ചോര്‍, നാഡീവ്യൂഹങ്ങള്‍, മസിലുകള്‍ എന്നിവയേയും ബാധിയ്ക്കും.

കാല്‍സ്യം കുറയുന്നതു കൊണ്ടുതന്നെ കുട്ടികളുടെ കാലുകളിലും ശരീരത്തിലുമെല്ലാം മുറിവുകളുണ്ടാകാനും. എല്ലൊടിയാനുമുള്ള സാധ്യത ഏറെയാണ്.

ചായ കുട്ടികളില്‍ പെരുമാറ്റവൈകല്യം, അസ്വസ്ഥത എന്നിവയുണ്ടാക്കും.

പലരും കണ്ടുപിടിയ്ക്കുന്ന മാര്‍ഗം ചായയില്‍ കൂടുതല്‍ പാലു ചേര്‍ത്തു നല്‍കുകയെന്നതാണ്. എന്നാല്‍ ഇതുകൊണ്ടും പ്രയോജനമില്ല. കാരണം ചായയുടെ ഏതാനും തുള്ളികള്‍ മതി, പാലിന്റ ഗുണം കുറയ്ക്കാനും ചായയുടെ സ്വാധീനം കുട്ടിയിലുണ്ടാക്കാനും.