കുട്ടികളിലെ പൊണ്ണത്തടി പരിഹരിയ്ക്കാം

വിദഗ്ദാഭിപ്രായം

വിദഗ്ദരുടെ അഭിപ്രായം തേടുന്നത് തന്നെയാണ് ഏറ്റവും അനുയോജ്യമായ മാര്‍ഗ്ഗം. ഭാരവര്‍ദ്ധനവിനിടയാക്കുന്ന എന്തെങ്കിലും അസുഖങ്ങൾ അവര്‍ക്കില്ല എന്ന് ഉറപ്പുവരുത്തുന്നതിന് വേണ്ടിയാണിത്. ആരോഗ്യകരമായ തൂക്കം എത്രയാണ് എന്ന ലക്ഷ്യം ലഭിക്കുന്നതിനും ഇത് സഹായിക്കും

ഭാരസന്തുലിതത്വം

പെട്ടെന്നുള്ള തടികുറക്കൽ പരിപാടികളിലേക്ക് പോകുന്നതിന് മുമ്പ് നിലവിൽ അവര്‍ക്ക് എത്ര തൂക്കമുണ്ടെന്ന് പരിശോധിക്കുക. ആ തൂക്കം വര്‍ധിക്കാത്ത രീതിയിൽ ഭാരം നിലനിര്‍ത്തുക. ഇതിന് ശേഷം തൂക്കം കുറക്കുന്നതിന് വേണ്ടിയുള്ള വിവിധ രീതികൾ ആവിഷ്കരിക്കുക.

കുട്ടിയുടെ ഭക്ഷണവിഭവങ്ങൾ നിയന്ത്രിക്കുക

ഭക്ഷണനിയന്ത്രണമാവും തടി കുറക്കാൻ ഏറ്റവുമാദ്യം ഏവരും ചെയ്യുക. മധുരമുള്ള ശീതളപാനീയങ്ങൾ, ജങ്ക് ഫുഡ്സ്, കാനിലടിച്ച ഭക്ഷണങ്ങൾ, കലോറി കൂടിയ പലഹാരങ്ങൾ എന്നിവ ഒഴിവാക്കുക.

കായികാധ്വാനം കൂട്ടുക

ജിമ്മിലോ ഹെൽത്ത് ക്ലബ്ബിലോ ചേരുന്നതിന് നിര്‍ബന്ധിക്കേണ്ട കാര്യമില്ല. പകരം കായികപ്രവര്‍ത്തനങ്ങൾ തുടങ്ങുന്നതിന് അവരുടെ ഭാഗത്ത് നിന്നുള്ള തയ്യാറെടുപ്പാണ് വേണ്ടത്. റൂമിൽ നിന്ന് പുറംലോകത്തേക്ക് വിടുക. കലോറി ഉരുക്കുന്നതിന് സഹായിക്കുന്ന ഗെയിമുകളിലോ മറ്റോ അവർ പങ്കാളിയാവട്ടെ.

വൈകാരികപിന്തുണ

തടികുറക്കാൻ ചെയ്യുന്ന പ്രവര്‍ത്തനങ്ങൾ അവരടുടെ സൗന്ദര്യം കൂട്ടുന്നതിനല്ല മറിച്ച് അവരുടെ ആരോഗ്യത്തിന്‍റെ കരുതലിന് വേണ്ടിയാണെന്ന ബോധം അവരിൽ ഉണ്ടാക്കുക. ചെറിയ സമയത്ത് നല്ല രീതിയിൽ ശ്രദ്ധ ചെലുത്തിയാൽ ആവശ്യത്തിന് തൂക്കം മാത്രമായി നിലനിര്‍ത്താൻ കഴിയുമെന്ന കാര്യം പറഞ്ഞ് മനസ്സിലാക്കുക.

ഒരുമിച്ച് ചെയ്യുക

നിങ്ങൾ അമിത തടിയുള്ളവരാണെങ്കിലും അല്ലെങ്കിലും അൽപം വ്യായാമം നിങ്ങൾക്കും ഉത്തമമാണ്. അതുകൊണ്ട് തടി കുറയ്ക്കാൻ നിങ്ങൾ അവരോട് ആവശ്യപ്പെടുന്ന പ്രവര്‍ത്തനങ്ങൾ നിങ്ങൾ സ്വയം ചെയ്തും മാതൃക കാട്ടാം. അവരോടൊപ്പം കളിച്ചോ, വ്യായാമം ചെയ്തോ അല്ലെങ്കിൽ കുടുംബത്തോടൊപ്പം നടക്കാനിറങ്ങിയോ കമ്പനി കൊടുക്കാം.