കുട്ടികള്‍ക്ക് ദോഷം ചെയ്യും ഭക്ഷണങ്ങള്‍

ഫ്രോസണ്‍ ഇറച്ചി

സോസേജുകളും ഫ്രോസണ്‍ ഇറച്ചിയുമെല്ലാം ഇന്ന് സര്‍വസാധാരണമാണ്. ഇവയില്‍ സോഡിയം നൈട്രേറ്റ് അടങ്ങിയിട്ടുണ്ട്. ഇത് ബ്രെയിന്‍ ട്യൂമര്‍, ലുക്കീമിയ, തൊണ്ടയിലെ ക്യാന്‍സര്‍ തുടങ്ങിയ രോഗങ്ങള്‍ക്കുള്ള പ്രധാന കാരണങ്ങളാണ്.

കോള

കോളയും ഇതുപോലെ കളറുള്ള പാനീയങ്ങളും, എന്തിന് കൃത്രിമ ഫ്രൂട് ജ്യൂസ്, ഫ്രൂട്ട് യോഗര്‍ട്ട് എന്നിവയൊക്കെയും നിറങ്ങളും മധുരവും പല്ലിന് ദോഷം വരുത്തുന്ന ആസിഡുകളും ചേര്‍ത്തുണ്ടാക്കുന്നവയാണ്. ഇവ കുട്ടികള്‍ക്ക് ഏറെ ദോഷം ചെയ്യും.

നൂഡില്‍സ്, പാസ്ത

നൂഡില്‍സ്, പാസ്ത എന്നിവ കുട്ടികളുടെ പ്രിയ ഭക്ഷണങ്ങളാണ്. എന്നാല്‍ ഇവയില്‍ കെമിക്കലുകളും കൃത്രിമ പദാര്‍ത്ഥങ്ങളുമെല്ലാം അടങ്ങിയിട്ടുണ്ട്. ഇവ കുട്ടികളില്‍ ഹോര്‍മോണ്‍ പ്രശ്‌നങ്ങളും ആസ്തമ പോലുള്ള രോഗങ്ങളും വരുത്തും.

പായ്ക്കറ്റ് ചിപ്‌സ്

പായ്ക്കറ്റ് ചിപ്‌സ് ഇന്നത്തെ തലമുറയിലെ കുട്ടികളുടെ ഹരമാണ്. ഇവ ഇന്‍സുലിന്‍, ഗ്ലൂക്കോസ് എന്നിവ ഉല്‍പാദിപ്പിച്ച് വിശപ്പു വര്‍ദ്ധിപ്പിയ്ക്കും. പല കുട്ടികളിലും അമിതവണ്ണത്തിന് കാരണമാകും. ചില ചിപ്‌സുകളില്‍ അക്രിലമൈഡ് അടങ്ങിയിട്ടുണ്ട്. ഇത് കുട്ടികളിലെ ശാരീരിക, മാനസിക വളര്‍ച്ചെയെ ദോഷകരമായി ബാധിയ്ക്കും.

ബ്രേക്ഫാസ്റ്റിന്

പല കുട്ടികള്‍ക്കും ബ്രേക്ഫാസ്റ്റിന് പായ്ക്കറ്റില്‍ ലഭിയ്ക്കുന്ന ധാന്യവര്‍ഗങ്ങള്‍ മതി. ഇവയില്‍ കൃത്രിമമധുരം ധാരാളമുണ്ട്. മാത്രമല്ല, ഇവ തയ്യാറാക്കുന്ന വേളയില്‍ ഇവയുടെ പോഷകങ്ങള്‍ നഷ്ടപ്പെട്ടിരിയ്ക്കാനും സാധ്യതയുണ്ട്. ഇവ കുട്ടികളില്‍ കൊഴുപ്പു വര്‍ദ്ധിപ്പിക്കാനേ ഉപകരിയ്ക്കൂ.

ഷുഗര്‍ ഫ്രീ

ഷുഗര്‍ ഫ്രീ എന്ന പേരില്‍ ലഭിയ്ക്കുന്ന ഉല്‍പന്നങ്ങള്‍ ആരോഗ്യകരമാണെന്നു കരുതി കുട്ടികള്‍ക്കു നല്‍കുന്നവരുണ്ട്. ഇവയിലും കൃത്രിമ മധുരം അടങ്ങിയിരിയ്ക്കും. പലപ്പോഴും അപചയപ്രക്രിയ പതുക്കെയാകാനും ക്യാന്‍സര്‍, തലവേദന തുടങ്ങിയ പ്രശ്‌നങ്ങളുണ്ടാകാനും ഇതിടയാക്കും.