മനോഹരമായ കുട്ടിക്കുറുമ്പുകള്‍

ജിജ്ഞാസ

കുട്ടികള്‍ എപ്പോഴും ജിജ്ഞാസുക്കളായിരിക്കും. വസ്‌തുക്കളെയും കാര്യങ്ങളെയും അവര്‍ സമീപിക്കുന്നത്‌ തികച്ചും അസ്വാഭാവികമായ രീതിയിലായിരിക്കും. അതുകൊണ്ട്‌ തന്നെ നിങ്ങള്‍ക്ക്‌ ആയിരക്കണക്കിന്‌ ചോദ്യങ്ങള്‍ക്ക്‌ ഉത്തരം പറയേണ്ടിയും വരും.

കുണുങ്ങിച്ചിരിക്കുക

എന്തെങ്കിലും കാണുകയോ മറ്റോ ചെയ്‌താല്‍ കുട്ടികള്‍ പൊട്ടിച്ചിരിക്കും. എന്തെങ്കിലും കുസൃതികള്‍ ഒപ്പിച്ച ശേഷം പ്രത്യേക രീതിയില്‍ ഒരു ചിരി അവര്‍ പാസ്സാക്കും. പൊന്നോമനയുടെ കുണുങ്ങിച്ചിരി നിങ്ങളുടെ മനംകുളിര്‍പ്പിക്കും.

ശ്രദ്ധ പിടിച്ചുപറ്റുന്നവര്‍

കുട്ടികള്‍ക്ക്‌ ലാളനയും ശ്രദ്ധയും ആവശ്യമാണ്‌. അതുകൊണ്ട്‌ തന്നെ അവര്‍ എപ്പോഴും നിങ്ങളുടെ ശ്രദ്ധ ആകര്‍ഷിക്കും. ആരും ശ്രദ്ധിക്കുന്നില്ലെന്ന്‌ കണ്ടാല്‍ പെട്ടെന്ന്‌ വിഷമിക്കുകയും ചെയ്യും. കുട്ടികള്‍ക്ക്‌ വളരെയധികം സ്വാര്‍ത്ഥതയുള്ളവരാണ്‌. മറ്റു കുട്ടികള്‍ക്ക്‌ കൂടുതല്‍ ശ്രദ്ധയും ലാളനയും കിട്ടുന്നത്‌ അവരില്‍ അസൂസയുണ്ടാക്കും.

ദേഷ്യം

കുട്ടികള്‍ ദേഷ്യം പിടിക്കുന്നത്‌ പതിവാണ്‌. സാധാരണഗതിയില്‍ ആണെങ്കില്‍ ഇതും തമാശയായി കണ്ടാല്‍ മതി. ദേഷ്യം പിടിച്ചുള്ള കരച്ചില്‍ കണ്ടാല്‍ ഇത്‌ ഒരിക്കലും നിര്‍ത്തില്ലെന്ന്‌ നമുക്ക്‌ തോന്നാം. പലപ്പോഴും നിസ്സാര കാര്യങ്ങളുടെ പേരിലാവും ദേഷ്യം. ഇഷ്ടമില്ലാത്ത പച്ചക്കറി കഴിപ്പിക്കാന്‍ ശ്രമിക്കുന്നതും സ്‌കൂളില്‍ പോകാന്‍ പറയുന്നതുമെല്ലാം അവരെ ദേഷ്യം പിടിപ്പിക്കാം.

ഓടുന്ന കാറില്‍ നില്‍ക്കുക

ഓടുന്ന കാറില്‍ മുന്നിലേക്കോ പിന്നിലേക്കോ നോക്കി നില്‍ക്കാന്‍ ഇഷ്ടപ്പെടുന്നവരാണ്‌ കുട്ടികള്‍. ബക്കറ്റ്‌ സീറ്റുകള്‍ക്ക്‌ ഇടയ്‌ക്കുള്ള ഭാഗത്ത്‌ അവര്‍ എഴുന്നേറ്റ്‌ നില്‍ക്കും. അവര്‍ എങ്ങനെ ചെയ്യുന്നതിന്റെ കാരണം എത്ര ആലോചിച്ചാലും നിങ്ങള്‍ക്ക്‌ പിടികിട്ടില്ല.

അനുകരണം

കുട്ടികള്‍ക്ക്‌ മറ്റുള്ളവരെ അനുകരിക്കാനുള്ള വാസന ഉണ്ടായിരിക്കും. അവര്‍ ആദ്യം അനുകരിക്കുന്നത്‌ മാതാപിതാക്കളെ ആയിരിക്കും. പെട്ടെന്ന്‌ തന്നെ അവര്‍ അനുകരണത്തില്‍ വിദഗ്‌ദ്ധരായി മാറും. അച്ഛന്റെയും അമ്മയുടെയും ഓരോ ചലനങ്ങള്‍ പോലും അവര്‍ കാണിക്കും. നിങ്ങള്‍ ഫോണില്‍ സംസാരിക്കുമ്പോള്‍ അടുത്തിരുന്ന്‌ കുട്ടികള്‍ അത്‌ ഏറ്റുപറയും. നിങ്ങളുടെ ലിപ്‌സ്റ്റിക്‌ അവരും പരീക്ഷിക്കും. നിങ്ങളുടെ മുഖഭാവങ്ങള്‍ പോലും അവര്‍ അനുകരിക്കും. നിങ്ങളുടെ ഏത്‌ പ്രവൃത്തിയും അവര്‍ ചെയ്‌ത്‌ കാണിക്കുമെന്ന്‌ ചുരുക്കം.

മൃഗങ്ങളോട്‌ കളിക്കുക

പട്ടിക്കുട്ടികളെ കെട്ടിപ്പിടിക്കാന്‍ കുട്ടികള്‍ക്ക്‌ വലിയ ഇഷ്ടമായിരിക്കും. അവയുടെ വാലില്‍ പിടിച്ചുവലിക്കാനും ഒപ്പം കളിക്കാനും അവര്‍ ശ്രമിക്കും. വീട്ടില്‍ വളര്‍ത്തുന്ന പക്ഷികളോടും മൃഗങ്ങളോടും ഇഷ്ടമുള്ളവരായിരിക്കും മിക്ക കുട്ടികളും. പട്ടികള്‍ വാലാട്ടുന്നത്‌ സന്തോഷം കൊണ്ടാണെന്ന്‌ കരുതി അവര്‍ അതിനൊപ്പം കളിക്കാന്‍ ശ്രമിക്കാറുണ്ട്‌. അവര്‍ക്ക്‌ ഒന്നിനെയും ഭയമുണ്ടാകില്ല. അതുകൊണ്ട്‌ പക്ഷികളുടെയും മൃഗങ്ങളുടെയും വായില്‍ കൈ ഇടാന്‍ പോലും അവര്‍ മടിക്കില്ല. കുട്ടികള്‍ പക്ഷികളോടും മൃഗങ്ങളോടും സംസാരിക്കുന്നത്‌ മനോഹരമായ കാഴ്‌ചയാണ്‌.

പപ്പി ഫെയ്‌സ്‌

ആവശ്യപ്പെടുന്ന സാധനങ്ങള്‍ വാങ്ങി നല്‍കാതിരിക്കുകയോ മറ്റോ ചെയ്‌താല്‍ കുട്ടികള്‍ തലകുനിച്ച്‌ മുകളിലേക്ക്‌ നോക്കും. ഇതാണ്‌ പപ്പി ഫെയ്‌സ്‌. കുസൃതികള്‍ കാണിക്കുമ്പോള്‍ വഴക്ക്‌ പറഞ്ഞാലും മതി പപ്പി ഫെയ്‌സ്‌ കാണാം. കുട്ടികളുടെ വളരെ സാധാരണമായ ഒരു മുഖഭാവമാണിത്‌.